दोन वेगवेगळ्या घटनांमध्ये दोघांची आत्महत्या

शहर व जिल्ह्यातील दोघांनी आत्महत्या केल्याच्या घटना मंगळवारी (दि़२७) घडल्या आहेत़ यातील एक घटना उपनगर तर दुसरी गुळवंच येथे घडली आहे़  उपनगर पोलिसांनी दिलेल्या माहितीनुसार ड्रीमसिटी परिसरातील रहिवासी अमर लक्ष्मण बोराडे (४२) यांनी राहत्या घरात गळफास घेऊन आत्महत्या केली़ मंगळवारी सकाळी हा प्रकार उघडकीस आला़ दरम्यान, बोराडे यांच्या आत्महत्येचे कारण समजू शकले नसून, या प्रकरणी उपनगर पोलीस ठाण्यात अकस्मात मृत्यूची नोंद करण्यात आली आहे़

नाशिक : शहर व जिल्ह्यातील दोघांनी आत्महत्या केल्याच्या घटना मंगळवारी (दि़२७) घडल्या आहेत़ यातील एक घटना उपनगर तर दुसरी गुळवंच येथे घडली आहे़  उपनगर पोलिसांनी दिलेल्या माहितीनुसार ड्रीमसिटी परिसरातील रहिवासी अमर लक्ष्मण बोराडे (४२) यांनी राहत्या घरात गळफास घेऊन आत्महत्या केली़ मंगळवारी सकाळी हा प्रकार उघडकीस आला़ दरम्यान, बोराडे यांच्या आत्महत्येचे कारण समजू शकले नसून, या प्रकरणी उपनगर पोलीस ठाण्यात अकस्मात मृत्यूची नोंद करण्यात आली आहे़  दुसरी घटना सिन्नर तालुक्यातील गुळवंच येथे घडली़ ज्ञानेश्वर एम़ भाबड (३८) यांनी आपल्या राहत्या घरी विषारी औषध प्राशन केल्याने त्यांना उपचारासाठी प्रथम नाशिकरोड परिसरातील खासगी रुग्णालयात दाखल करण्यात आले होते़ मात्र, प्रकृती खालावल्याने अधिक उपचारासाठी आडगाव वैद्यकीय महाविद्यालयात दाखल केले असता मंगळवारी (दि़२७) सकाळी त्यांचा मृत्यू  झाला़  दरम्यान, त्यांच्या आत्महत्येचे कारण समजू शकले नसून या प्रकरणी अकस्मात मृत्यूची नोंद करण्यात आली आहे़