भरधाव एसयूव्हीने वॅगनरला दिलेल्या धडकेत दोन गंभीर

भरधाव एक्सयूव्ही कारने गर्भवती महिलेस घेऊन जात असलेल्य वॅगनर कारला धडक दिल्याची घटना गुरुवारी (दि़१३) रात्रीच्या सुमारास गंगापूररोडवरील बारदान फाट्याजवळील हॉटेल साधनासमोर घडली़ या अपघातात वॅगनर कारच्या चालकासह दोघे गंभीर जखमी झाले असून, त्यांच्यावर खासगी रुग्णालयात उपचार सुरू आहेत़

गंगापूर : भरधाव एक्सयूव्ही कारने गर्भवती महिलेस घेऊन जात असलेल्य वॅगनर कारला धडक दिल्याची घटना गुरुवारी (दि़१३) रात्रीच्या सुमारास गंगापूररोडवरील बारदान फाट्याजवळील हॉटेल साधनासमोर घडली़ या अपघातात वॅगनर कारच्या चालकासह दोघे गंभीर जखमी झाले असून, त्यांच्यावर खासगी रुग्णालयात उपचार सुरू आहेत़ दरम्यान, या अपघाताबाबत गंगापूर पोलीस अनभिज्ञ असल्याचे समोर आले आहे़ गंगापूररोडवरील हॉटेल्स, बार, लॉन्समुळे या रस्त्यावर नेहमीच वाहनांची वर्दळ असते. रात्री दहा वाजता शिवाजीनगरमधील धर्माजी कॉलनीत राहणाऱ्या एका गर्भवती महिलेस वॅगनर कारमधून (एम.एच.०१ बी.बी. ४५०८) नाशिकला दवाखान्यात नेले जात होते़ गंगापूररोडने शिवाजीनगरकडे जाणाºया भरधाव महेंद्रा एक्सयूव्ही (एम.एच.१८ ए.जी.९९९०) साधना मिसळ हॉटेलसमोर वॅगनर कारला जबर धडक दिली़ या अपघातात वॅनगर कारचालकासह गर्भवती महिलेला जबर मार लागला असून, स्थानिक नागरिकांनी त्यांना तातडीने उपचारासाठी खासगी रुग्णालयात दाखल केले. अपघात इतका भीषण होता की, दोन्ही वाहनांचे मोठे नुकसान झाले असून चारचाकी वाहनाचे पुढील टायर तुटून पडले होते़ या अपघाताबाबत पोलीस ठाण्यात नोंद नसल्याची माहिती गंगापूरचे वरिष्ठ पोलीस निरीक्षक किशोर मोरे यांनी दिली़