शिरवाडे वणी : मुंबई-आग्रा महामार्गावर शिरवाडे खडकजांब दरम्यान साहेबा हॉटेलसमोर आयशर टेम्पो या गाडीवरील चालकाचा ताबा सुटून गाडी उलटल्यामुळे दोनजण गंभीर जखमी झाले आहेत. त्यांना उपचारासाठी नाशिक येथे हलवण्यात आले. मुंबई-आग्रा महामार्गावर शिरवाडे खडकजांब दरम्यान बुधवारी (दि. २२) सकाळी ९ वाजेच्या सुमारास साहेबा हॉटेलसमोर मालेगावहून नाशिककडे टेम्पो भरधाव वेगाने जात असताना चालकाचे गाडीवरील नियंत्रण सुटल्यामुळे टेम्पो उलटून अपघात झाला. या अपघातामध्ये चालक राकेश गावस्कर (रा. खेकडे पुरा, चिकत्यावड, मध्य प्रदेश) व क्लिनर मोहन पटेल (रा. नूतन नगर, खरगोन, मध्य प्रदेश) हे दोघेजण गंभीर जखमी झाले. त्यांची प्रकृती चिंताजनक असल्याचे समजते.
--