बिबट्याच्या हल्ल्यात दोन वासरू ठार

निफाड : तालुक्यातील म्हाळसाकोरे येथे बिबट्याच्या हल्ल्यात दोन वासरु ठार झाल्याची घटना घडली.

लोकमत न्यूज नेटवर्कनिफाड : तालुक्यातील म्हाळसाकोरे येथे बिबट्याच्या हल्ल्यात दोन वासरु ठार झाल्याची घटना घडली. म्हाळसाकोरे ते कोमलवाडी रस्त्यालगत भरत गणपत मुरकुटे आणि सोमनाथ सखाहरी पडोळ हे शेतात वस्ती करून राहतात . मुरकुटे आणि पडोळ यांच्या वस्त्यांमध्ये १५९ ते २०० फुटांचे अंतर आहे. दोघांच्याही घराजवळ असलेल्या शेडमध्ये गायी व वासरे बांधलेले होते. गुरुवारी रात्रीच्या सुमारास बिबट्याने प्रथम मुरकुटे यांच्या शेडमधील वासरांवर हल्ला करून त्यास ठार करून उसाच्या शेतात नेले. नंतर पडोळ यांच्या शेडमधील वासराचा फडशा पाडला.