नाशिक : सुदामा वाघमारे लिखीत आणि दिग्दर्शित उतरंड या चित्रपटातील तुषार माने आणि घनश्याम महाजन या दोघा कलावंतांचे निधन झाले. त्यांना कलावंतांच्यावतीने श्रद्धांजली अर्पण करण्यात आली.
उतरंड हा चित्रपट बहुतांश नाशिक शहर,वरखडे या ठिकाणी तयार करण्यात आला आहे. दिग्दर्शक सुदाम वाघमारे यांचे जवळचे स्नेही असलेले कलावंत तुषार माने आणि घनश्याम महाजन यांनी हा चित्रपट तयार करण्यासाठी महत्त्वपूर्ण योगदान दिले आहे. दोन्ही कलावंतांनी चित्रपटात खलनायक म्हणून उत्तम भूमिका साकारली आहे. येथे झालेल्या शोकसभेत नाशिकच्या कलावंतांतर्फे दोन्ही दिवंगत कलावंतांना श्रद्धांजली अर्पण करण्यात आली. या कलावंतांना समोर ठेवून आणखी काही चित्रपट निर्माण केले जाणार होते. आता तुषार आणि श्याम यांचे स्मरण करून यापुढील काम करावे लागणार आहे. ही बाब दिग्दर्शक म्हणून मला अंतर्मुख करायला लावते, असे यावेळी वाघमारे यांनी सांगितले. यावेळी संगीता गायकवाड,कैलास दाभाडे, आदि उपस्थित होते.