नाशिक : मनमाड-नांदेडदरम्यान सुरू असलेल्या डबललाईन मार्गासाठी घेण्यात आलेल्या मेगाब्लॉकमुळे पाच दिवसांनंतर पंचवटी एक्स्प्रेस बुधवार (दि.२९) पासून पुन्हा ट्रॅकवर येणार आहे. गेल्या शुक्रवार (दि.२४) पासून पंचवटी एक्स्प्रेस बंद करण्यात आली असल्याने नाशिककर प्रवाशांना पर्यायी गाड्यांचा वापर करावा लागला. सलग पाच दिवसानंतर ही गाडी पुन्हा धावणार आहे. रेल्वे प्रशासनाकडून मेगाब्लॉकची माहिती जाहीर करण्यात आली होती. मध्ये शनिवार आणि रविवार शासकीय सुटी होतीच; मात्र सोमवार आणि मंगळवारी नाशिककर प्रवाशांची गैरसाेय झाली. बुधवारपासून पंचवटी एक्स्प्रेस नियमितपणे धावणार आहे.
आज पंचवटी एक्स्प्रेस पुन्हा ट्रॅकवर
By लोकमत न्यूज नेटवर्क | Updated: June 29, 2022 02:03 IST