विहिरीत आढळला विवाहितेचा मृतदेह

पिंपळगाव नजिक येथे हर्षदा सुयोग काळे (२०) या विवाहितेचा घोडे वस्तीजवळ विहिरीत मृतदेह तरंगताना आढळला आहे.

लासलगाव : पिंपळगाव नजिक येथे हर्षदा सुयोग काळे (२०) या विवाहितेचा घोडे वस्तीजवळ विहिरीत मृतदेह तरंगताना आढळला आहे.

याबाबत लासलगाव पोलीस ठाण्यात पिंपळगाव नजिकचे पोलीस पाटील भरत फड यांनी खबर दिली, गुरुवारी (१०) सायंकाळी पाच वाजेपूर्वी शरद गंगाधर घोडे यांच्या शेतातील विहिरीत हर्षदा सुयोग काळे या विवाहितेचा मृतदेह आढळून आला.

 

या घटनेची माहिती समजताच पोलीस निरीक्षक राहुल वाघ व त्यांचे पथक घटनास्थळी दाखल होऊन घटनेची पहाणी केली. त्यानंतर याप्रकरणी अकस्मात मृत्यू म्हणून घटनेची नोंद केली असून, अधिक तपास लासलगावचे पोलीस उपनिरीक्षक रामकृष्ण सोनवणे करीत आहेत.