दिंडोरी तालुक्यातील घटना : दहा हजार रुपये दंड नाशिक : शाळेतून घरी परतणाऱ्या अल्पवयीन मुलीस वनविभागाच्या नर्सरीत खेचून नेत लैंगिक अत्याचार करणाऱ्या संदीप प्रकाश केंग (राक़ृष्णगाव, ता़ दिंडोरी, जि़नाशिक) या जिल्हा व सत्र न्यायाधीश उर्मिला फलके - जोशी यांनी दहा वर्षे सक्तमजुरी व दहा हजार रुपये दंडाची शिक्षा सुनावली़ शाळेतून घरी येणाऱ्या मुलीस अडवून नाशिक-वणी रोडवरील कृष्णगावाजवळील वनविभागाच्या नर्सरीत नेऊन आरोपी संदीप प्रकाश केंग याने लैंगिक अत्याचार केल्याची घटना फेब्रुवारी २०१३ मध्ये ही घटना घडली होती़ तसेच यानंतर वेळोवेळी या मुलीवर अत्याचार केल्याने ही मुलगी गर्भवती झाल्याने हा प्रकार उघडकीस आला होता़ याप्रकरणी पीडित मुलीच्या आईने दिंडोरी पोलीस ठाण्यात फिर्याद दिली होती़ हा खटला जिल्हा न्यायालयात सुरू होता़ त्यामध्ये सरकारी वकील सुप्रिया गोरे यांनी सात साक्षीदार तपासून आरोपी संदीप केंग विरोधात सबळ पुरावे सादर केले़ त्यावर उर्मिला फलके - जोशी यांनी दहा वर्षे सक्तमजुरी व दहा हजार रुपये दंडाची शिक्षा सुनावली़ दंडाची रक्कम पीडित मुलीला देण्याचे आदेशही न्यायालयाने दिले़(प्रतिनिधी)
शाळकरी मुलगी अत्याचार प्रकरणी दहा वर्षे सक्तमजुरी
By admin | Updated: June 23, 2015 01:37 IST