अल्पवयात लग्न लावणाऱ्या दहा जणांना सटाण्यात अटक

दोधेश्वर येथील शिव मंदिरात अल्पवयीन मुला- मुलीचा विवाह लावणाºया दहा जणांना पोलिसांनी अटक केली आहे.

सटाणा : दोधेश्वर येथील शिव मंदिरात अल्पवयीन मुला- मुलीचा विवाह लावणाºया दहा जणांना पोलिसांनी अटक केली आहे.  अल्पवयीन मुला-मुलीचा विवाह होणार असल्याची माहिती सटाणा पोलिसांना मिळाली होती. त्यानुसार, निरीक्षक वासुदेव देसले, सहायक पोलीस निरीक्षक देवेंद्र शिंदे यांनी सापळा रचला. अल्पवयीन वधू-वरासह त्यांचे नातलग मंदिरात पोहोचले. पुरोहिताने लग्नविधी पार पाडल्यानंतर पोलीस घटनास्थळी दाखल झाले. यामुळे त्या ठिकाणी असलेले सर्व नातलग व लग्न लावून देणारे नाना घोडेस्वार व चंद्रकला घोडेस्वार यांना दरदरून घाम फुटला. अल्पवयीन मुलीचा विवाह सोग्रस (ता. चांदवड) येथील मुलाशी लावून दिल्याचे निष्पन्न झाले. पोलिसांनी याप्रकरणी दहा जणांना अटक केली आहे.