लोहोणेर : महालपाटणे पंचायत समिती गणातून शनिवारी माघारीच्या शेवटच्या दिवशी गणेश दिलीप पाटील, अरुण पोपट अहिरे यांनी माघार घेतल्याने सुरेखा पंकज निकम यांचा एकमेव अर्ज शिल्लक राहिल्याने त्यांचा बिनविरोध निवडीचा मार्ग मोकळा झाला आहे. लोहोणेर जिल्हा परिषद गटातील महालपाटणे पंचायत समितीचे सदस्य पंकज सुधाकर निकम यांचे निधन झाल्याने रिक्त जागेसाठी पोटनिवडणूक घोषित करण्यात आली आहे. या पोटनिवडणुकीत निंबोळा येथील गणेश दिलीप पाटील व महालपाटणे अरु ण आहिरे व सुरेखा निकम यांनी अर्ज दाखल केले होते. शनिवारी (दि.१५) माघारीच्या शेवटच्या दिवशी गणेश पाटील व अरु ण आहिरे यांनी माघार घेतल्याने सुरेखा निकम यांचा एकमेव अर्ज शिल्लक राहिल्याने त्यांच्या निवडीची फक्त औपचारिकता बाकीआहे.यावेळी जिल्हा बँकेचे अध्यक्ष केदा अहेर, सोनाली पाटील यांच्या हस्ते सुरेखा निकम यांचा सत्कार करण्यात आला. तहसीलदार कार्यालय आवारात कार्यकर्त्यांचे डोळे पाणावल्याने येथील वातावरण भावुक झाल्याचे चित्र दिसत होते.यावेळी बाजार समितीचे माजी सभापती अशोक आहेर, संचालक प्रदीप आहेर, शिवसेनेचे शहराध्यक्ष अशोक आहेर, दिनेश पाटील, सोनाली पाटील, शिवसेनेचे तालुकाप्रमुख बापू जाधव, मुन्ना निकम, माजी सभापती सुकदेव आहिरे, भारत आहिरे, राजेंद्र भामरे,भूषण आहिरे आदी नेते आणि कार्यकर्ते मोठ्या संख्येने उपस्थित होते.
महालपाटणे गणातून सुरेखा निकम बिनविरोध
By लोकमत न्यूज नेटवर्क | Updated: June 16, 2019 01:31 IST