मऱ्हळ खुर्द ग्रामपंचायत निवडणुकीत येथे सात जागांपैकी दोन जागा बिनविरोध झाल्या होत्या. तर पाच जागांसाठी दुरंगी लढत झाली होती. येथील सरपंचपद हे नागरिकांचा मागास प्रवर्गसाठी राखीव होते. सरपंच व उपसरपंच निवडणुकीसाठी निवडणूक निर्णय अधिकारी अनिल पगारे यांच्या अध्यक्षतेखाली व ग्रामसेवक एम. यू. मोढे यांच्या उपस्थितीत विशेष बैठक पार पडली. यात सरपंचपदासाठी सुजाता घुगे, उपरसरपंचपदासाठी अशोक पवार यांनी उमेदवारी अर्ज दाखल केले. निर्धारित वेळेत दोन्ही पदांसाठी एक अर्ज आल्याने सरपंचपदी घुगे, तर उपसरपंचपदी पवार यांची बिनविरोध निवड झाल्याची घोषणा पगारे यांनी केली. बैठकीस ग्रामपंचायत सदस्य नामदेव दत्तू कुटे, किरण रंगनाथ कुटे, आशा चंद्रकांत कुटे, संगीता विलास पवार, चंद्रकला बाळासाहेब शेळके आदींसह ग्रामस्थ व कार्यकर्ते उपस्थित होते.
फोटो - ०२ मऱ्हळ सरपंच
सिन्नर तालुक्यातील मऱ्हळ खुर्दच्या सरपंचपदी सुजाता घुगे, तर उपसरपंचपदी अशोक पवार यांची बिनविरोध झाली. त्याप्रसंगी ग्रामपंचायत सदस्य व ग्रामस्थ.