चोपडा लॉन्सजवळ कारने घेतला अचानक पेट

ह्युंदाई कंपनीच्या चारचाकी वाहनाने भर रस्त्यात अचानक पेट घेतल्याची घटना बुधवारी (दि. २१) दुपारी चौघुले पेट्रोलपंप ते चोपडा लॉन्स दरम्यान घडली. सदर प्रकार लक्ष्मण आटवणे यांच्या लक्षात येताच त्यांनी कारमधील तिघांना वेळीच बाहेर काढल्याने मोठी जीवितहानी टळली़ दरम्यान, या घटनेची माहिती अग्निशमन दलाला कळविल्यानंतर त्यांनी तत्काळ घटनास्थळी पोहोचत आग विझविली.

पंचवटी : ह्युंदाई कंपनीच्या चारचाकी वाहनाने भर रस्त्यात अचानक पेट घेतल्याची घटना बुधवारी (दि. २१) दुपारी चौघुले पेट्रोलपंप ते चोपडा लॉन्स दरम्यान घडली. सदर प्रकार लक्ष्मण आटवणे यांच्या लक्षात येताच त्यांनी कारमधील तिघांना वेळीच बाहेर काढल्याने मोठी जीवितहानी टळली़ दरम्यान, या घटनेची माहिती अग्निशमन दलाला कळविल्यानंतर त्यांनी तत्काळ घटनास्थळी पोहोचत आग विझविली. अग्निशमन दलाच्या जवानांनी दिलेल्या माहितीनुसार दुपारच्या सुमारास लक्ष्मण आटवणे व त्यांचे तीन साथीदार ह्युंदाई कंपनीच्या कार (एमएच २४, एल १२३४) मधून जात असताना सदर कार बंद पडल्याने ते खाली उतरले़ आटवणे यांनी कारचे बोनेट उघडताच त्यातून धूर निघत असल्याने त्यांनी तत्काळ कारमधील तिघांना खाली उतरविले़ तिघे खाली उतरत नाही तोच चारचाकीने पेट घेतला. या घटनेची माहिती अग्निशमन दलास कळविल्यानंतर अग्निशमन मुख्यालयातील जवानांनी घटनास्थळी धाव घेऊन आग विझविली. या घटनेत चारचाकीचे नुकसान झाले असले तरी प्रसंगावधान राखल्याने कारमधील तिघांचे प्राण वाचले.