सावरगाव विद्यालयाचे यश

येवला : येथील आर्य निकेतन इंग्लिश मेडियम स्कूलच्यावतीने आयोजित क्र ीडा महोत्सवात आयोजित कबड्डी व खोखो स्पर्धेत सावरगाव येथील जय जनार्दन माध्यमिक विद्यालयाच्या विद्यार्थ्यांनी उत्कृष्ट खेळाचे प्रदर्शन करून घवघवीत यश संपादन केले. तालुक्यातील पारेगाव येथे झालेल्या स्पर्धेत तालुक्यातील सावरगाव येथील जय जनार्दन माध्यमिक नगरसूल, मुखेड येथील जीवनअमृत स्कूल, नगरसूल येथील जय बाबाजी इंग्लिश मेडियम स्कूल, व आर्य निकेतन स्कूल च्या विद्यार्थ्यांनी सहभाग नोंदवला. या स्पर्धेतील खोखो क्र ीडा प्रकारात जय जनार्दन माध्यमिक विद्यालयाच्या मुले व मुलींच्या संघाने उत्कृष्ट खेळाचे प्रदर्शन करून प्रथम क्र मांक पटकाविला, तर कबड्डी क्र ीडा प्रकारात जय जनार्दन माध्यमिक विद्यालयाच्या मुलींच्या संघाने प्रथम क्र मांक मिळवला आहे. स्पर्धेत कबड्डी क्र ीडा प्रकारात कल्याणी खुळे हिला तर कबड्डी क्र ीडा प्रकारात जनाबाई चव्हाण यांना उत्कृष्ट खेळाडू म्हणून गौरविण्यात आले. या स्पर्धेत पंच म्हणून विजय जाधव व दत्तू उगले यांनी काम पाहिले. यशस्वी खेळाडूंना गणेश फुलारे व तानाजी बेंडकोळी यांचे मार्गदर्शन लाभले.