एकलहरे : महाराष्ट्र स्टेट इलेक्ट्रिक सिटी वर्कर्स फेडरेशन संघटनेच्या आॅनलाइन सभासद नोंदणी लिंकचा शुभारंभ उत्साहात पार पडला. मोटवानीरोड येथील एका कार्यालयात झालेल्या कार्यक्रमाच्या अध्यक्षस्थानी वर्कर्स फेडरेशनचे राज्य सचिव विश्राम धनवटे होते. तर प्रमुख पाहुणे म्हणून संघटनेचे केंद्रीय अध्यक्ष मोहन शर्मा, सरचिटणीस कृष्णा भोयर, ज्योती नटराजन, अरुण मस्के, एस. आर. खतीब, जी. एच. वाघ, पंडित कुमावत, सुभाष काकड, हरिष सोनवणे, रोहिदास पवार, ललित वाघ आदी मान्यवर उपस्थित होते. प्रारंभी केंद्रीय अध्यक्ष मोहन शर्मा यांच्या हस्ते आॅनलाइन लिंकवरून वर्कर्स फेडरेशनच्या सभासदत्वाचा फॉर्म भरून या लिंकचे उद्घाटन करण्यात आले. यावेळी प्रमुख पाहुण्यांच्या हस्ते आॅनलाइन सभासद नोंदणी लिंक बनविणारे योगेश शिंदे, पवन डावरे, महेश कदम यांचा सत्कार करण्यात आला. प्रास्ताविक अरुण म्हस्के यांनी केले. सूत्रसंचालन पंडित कुमावत व आभार समीर वडजे यांनी मानले. यावेळी कृष्णा भोयर, महेश कदम, विनायक क्षीरसागर, प्राची पाटील, वंदना चव्हाण, दीपक गांगुर्डे, मधुकर जाधव, ललित वाघ, पोपट पेखळे, हिरामण पवार, प्रताप भालके, रोहिदास पवार, सुरेश कांबळे यांच्यासह महानिर्मिती, महावितरण आणि महापारेषण कंपनीतील अधिकारी, कर्मचारी उपस्थित होते.
राज्य विद्युत संघटनेच्या सभासद नोंदणीचा शुभारंभ
By लोकमत न्यूज नेटवर्क | Updated: August 28, 2018 00:50 IST