म्हाळोबा महाराज यात्रोत्सवास प्रारंभ

दोडी बुद्रुक : मुखवटा व पालखी मिरवणूकनांदूरशिंगोटे : सिन्नर तालुक्यातील दोडी बुद्रुक येथील धनगर समाजाचे कुलदैवत व परिसरातील जागृत देवस्थान असलेल्या म्हाळोबा महाराज यात्रेस रविवारपासून (दि.१७) उत्साहात प्रारंभ झाला. यात्रेच्या पहिल्या दिवशी स्थानिक भक्त परिवाराकडून सुमारे ३०० च्या आसपास बोकडांचा नवसपूर्तीसाठी बळी देण्यात आला.

ठळक मुद्देयात्रोत्सवाला राज्यभरातून लाखो भाविक हजेरी लावतात.

दोडी बुद्रुक : मुखवटा व पालखी मिरवणूकनांदूरशिंगोटे : सिन्नर तालुक्यातील दोडी बुद्रुक येथील धनगर समाजाचे कुलदैवत व परिसरातील जागृत देवस्थान असलेल्या म्हाळोबा महाराज यात्रेस रविवारपासून (दि.१७) उत्साहात प्रारंभ झाला. यात्रेच्या पहिल्या दिवशी स्थानिक भक्त परिवाराकडून सुमारे ३०० च्या आसपास बोकडांचा नवसपूर्तीसाठी बळी देण्यात आला.राज्यातील धनगर समाजाचे आराध्यदैवत श्री म्हाळोबा महाराज यात्रा तीन दिवस चालणार आहे. यात्रोत्सवाला राज्यभरातून लाखो भाविक हजेरी लावतात. शनिवारी रात्री सुमारे २०० ते २५० भाविकांनी निफाड तालुक्यातील तामसवाडी येथून गोदावरीचे पाणी आणले. यात्रेच्या पहिल्या दिवशी म्हणजे रविवारी सकाळी आठ वाजता कावडीद्वारे आणलेल्या गंगेचे पाणी व पंचमृताने म्हाळोबा महाराज मूर्तीस स्नान घालून पूजन करण्यात आले. पालखीतून देवाचा मुखवटा, पादुका व काठ्यांची गावातून मिरवणूक काढण्यात आली. भाविकांच्या खांद्यावर रंगीबेरंगी काठीमहाल सजवून धनगरी ढोलांचा गजर व सनईच्या सुरात म्हाळोबा मंदिरापासून मिरवणुकीस प्रारंभ झाला. मिरवणूक दोडी बुद्रूक गावात येताच फटाक्यांची आतषबाजी करण्यात आली. त्यानंतर चौकाचौकांत महिलांनी मुखवटा व काठीमहालाचे पूजन केले. सुमारे चार तास चाललेल्या मिरणुकीत धनगर समाजाबरोबरच गावातील आबालवृद्धांसह महिला व तरुण मोठ्या संख्येने सहभागी झाले होते. म्हाळोबा महाराजांची विधिवत पूजा करून मंदिरात मुखवट्याची दुपारी १२ वाजता स्थापना करण्यात आली. सायंकाळपर्यंत स्थानिक भगत मंडळींकडून सुमारे ३०० बोकडांचा बळी देण्यात आला.यात्रेच्या दुसऱ्या दिवशी सोमवारी वर्षभर कबूल केलेले नवस फेडण्यासाठी भाविक दाखल होणार आहेत. बाहेरगावाहून आलेल्या काठ्यांची मिरवणूक होऊनत्यांची देवभेट घडविली जाते. राज्यभरातून येथे सुमारे शंभरच्या आसपास देवकाठ्या येतात.तळेगाव येथील मानाची काठी पाऊल टेकडीपासून मंदिरापर्यंत काठीची देवास भेट घडविली जाते. रात्री पटंगणावर शोभेची दारू व फटाक्यांची आतषबाजी होणार आहे. त्यानंतर रात्रभर भगत मंडळी डफाच्या तालावर देवाची गाणी म्हणतात. बोकडबळी वधगृहातच देण्याचे आदेश पोलिसांनी दिलेले आहे. मंदिर परिसरात अडथळे निर्माण केले असून मंदिरात दर्शन रांगा तयार करण्यात आल्या आहेत. पोलीस उपविभागीय अधिकारी माधव पडीले व वावीचे सहायक पोलीस निरीक्षक संदीपकुमार बोरसे यांच्या मार्गदर्शनाखाली चार पोलीस उपनिरीक्षक व सुमारे ४० पोलीस कर्मचारी तैनात करण्यात आले आहेत. काटेकोर बंदोबस्तासाठी सीसीटीव्ही कॅमेरे बसविण्यात आले आहेत.आरोग्य विभागाच्या वतीने रुग्णवाहीका व आरोग्य कर्मचारी तैनात करण्यात आले आहेत. यात्रोत्सव पार पडण्यासाठी समितीचे पाराजी शिंदे, मारूती शिंदे, सुभाष शिंदे, भारत शिंदे, कारभारी शिंदे, माधव शिंदे, कचरु शिंदे, रतन शिंदे, जानकू शिंदे, शिवाजी शिंदे, रायभान शिंदे, मल्हारी शिंदे, चंद्रभान जाधव, किसन शिंदे, बापू शिंदे, विठ्ठल शिंदे, बाळासाहेब शिंदे आदिंसह यात्रा उत्सव समितीचे सदस्य प्रयत्नशील आहेत.गावातून मुखवट्याची मिरवणूकतीन दिवस चालणाºया यात्रेच्या पहिल्या दिवशी स्थानिक भक्त मंडळींकडून कावडीद्वारे गंगेचे पाणी आणून म्हाळोबा महाराजांना अभ्यंगस्नान घालण्यात आले. त्यानंतर गावातून मुखवट्याची मिरवणूक काढून विधिवत पूजा करून मंदिरात मुखवट्याची स्थापना करण्यात आली.