पोलीस भरतीचा पेच सोडवावा; सुधारित जीआरची प्रतीक्षाच!

नाशिक : राज्य शासनाने पोलीस भरतीबाबत काढलेला अध्यादेश न्यायालयीन आदेशानंतर स्थगित करण्यात आला आहे. या अध्यादेशमध्ये सुधारणा करत शुद्धिपत्रक जारी करण्यात येणार आहे. त्यानंतरच पोलीस भरती प्रक्रियेचा मार्ग खुला होणार आहे. एकूण भरतीप्रक्रिया लांबणीवर पडल्यामुळे भरतीचा सराव करणाऱ्या इच्छुक तरुणांमधून नाराजीचा सूर उमटत आहे. नाशिक पोलीस आयुक्तालयात ३ हजार १६ कर्मचारी तर ग्रामीण पोलीस दलात ३ हजार २०० कर्मचारी सध्या कर्तव्यावर हजर आहेत. नाशिक ग्रामीण पोलीस अधीक्षक कार्यालयाकरिता ३ हजार ४४६ कर्मचाऱ्यांची पदे मंजूर आहेत. त्यापैकी एकूण ३ हजार २०० कर्मचारी हजर आहेत. २१३ पदे रिक्त आहेत, तसेच शहर पोलीस आयुक्तालयात केवळ २० ते २२ कर्मचारी कमी आहेत. राज्यस्तरीय पोलीस भरती प्रक्रिया मागील काही वर्षांपासून रखडली आहे. दरम्यान, काही महिन्यांपूर्वी राज्य शासनाने पाेलीस भरतीबाबत जीआर काढला. मात्र, या जीआरमध्ये सुधारणा करण्याचे आदेश देत न्यायालयाकडून स्थगिती देण्यात आली.

राज्यातील पोलीस भरतीची प्रक्रिया पार पाडण्यासठी ‘एसईबीसी’चे आरक्षण न ठेवण्याचा निर्णय राज्याच्या गृहविभागाने घेतला आहे. ‘एसईबीसी’तून आलेले अर्जदारांची पात्रता ठरविताना खुल्या प्रवर्गाची वयोमर्यादा लागू केली जाणार आहे. राज्य सरकारने याबाबत शासन निर्णय जारी केला आहे. जे उमेदवार खुल्या प्रवर्गातील अटी व शर्तींची पूर्तता करतात, त्यांचा खुल्या प्रवर्गातून विचार करावा, असा निर्णय शासनाकडून घेण्यात आला आहे.

-

--इन्फो--

पोलीस आयुक्तालयाचे मनुष्यबळ असे...

उपआयुक्त-४, सहायक आयुक्त-६ (रिक्त-२) पोलीस निरीक्षक-५३ (रिक्त-३), सहायक निरीक्षक-७२ (रिक्त-३), उपनिरीक्षक-७४ (रिक्त-४५) नाशिक जिल्ह्याची लोकसंख्या ६२ लाख इतकी असून, एकूण ६ हजार २०० पोलीस कर्मचारी जिल्ह्यासाठी आहे. यामध्ये शहर व ग्रामीण पोलीस दलात प्रत्येकी ३ हजार कर्मचारी कर्तव्यावर आहेत. सरासरी जिल्ह्यातील १ हजार लोकांमागे एक पोलीस कर्मचारी आहे.

--कोट--

पोलीस भरती प्रकियेचा गुंता तातडीने सोडवावा आणि नव्याने शासनाने लवकरात लवकर भरतीचा जीआर काढावा, जेणेकरून इच्छुक तरुणांची सराव करताना होणारी घालमेल थांबण्यास मदत होईल.

- वैभव पिंगळे, तरुण

----

पोलीस भरतीबाबतचा जीआर जाहीर होताच अनेकांच्या आशा पल्लवितही झाल्या. बहुसंख्य तरुणांनी त्या दृष्टीने स्वत:ला मैदानातही झोकून दिले. मात्र, अचानकपणे या जीआरमध्ये त्रुटी समोर आल्याने तो रद्द करण्यात आला. त्यामुळे तरुणांमध्ये नाराजी पसरली. पोलीस भरती प्रक्रिया लांबणीवर पडल्याने संताप व्यक्त होत आहे.

- विठ्ठल शिंदे, तरुण

---

जीआरमध्ये आरक्षणानुसार सुधारणा झाल्यानंतरच पोलीस भरतीचा मार्ग मोकळा होणार आहे. त्यामुळे नव्या जीआरकडे आता लक्ष लागले आहे. भरतीसाठी तयारी केली असून, सरावही नियमितपणे सुरू ठेवला आहे.

-समीर अन्सारी, तरुण

-----

डमी फॉरमेट आर वर १२पोलीस नावाने सेव्ह आहे.