देवळा : प्रवासी वाहतूक करणाऱ्या चालकाचे जीपवरील नियंत्रण सुटल्याने झालेल्या अपघातात सात प्रवासी जखमी झाले. रविवारी (दि. १५) देवळा-खर्डा रस्त्यावरील शिंदे वस्तीवर हा अपघात झाला.चालकाचे नियंत्रण सुटल्याने जीपने रस्त्याच्या कडेला असलेल्या झाडाला जोरदार धडक दिली. जखमींमध्ये दहा वर्षीय मुलाचा समावेश असून, त्यास मालेगाव येथे अधिक उपचारासाठी हलविण्यात आले आहे. देवळ्याहून खर्डा येथे जाणारी प्रवाशांनी भरलेल्या पिकअप शिंदे वस्तीजवळ आली असता समोरून येणाºया कारला चुकविण्याच्या प्रयत्नात झाडाला धडक दिली. त्यात चालक अतुल दयाराम बनसोडे (२५, रा. खर्डा), राघव किरण गवळी (२७), किरण गवळी (३२, रा. वाजगाव ), सिंधू सहादू पवार (४०), सुभाष राजू आहिरे (४०), एकनाथ सुभाष अहिरे (१०, रा. देवळा) हे प्रवासी जखमी झाले आहेत.अपघातानंतर परिसरातील नागरिकांनी धाव घेत मदतकार्य केले. जखमींना तातडीने देवळा ग्रामीण रुग्णालयात दाखल करण्यात आले. तेथे डॉ. जनक पूरकर व सहकाऱ्यांनी उपचार केले. जखमींपैकी राजू आहिरे या दहा वर्षाच्या मुलाला पुढील उपचारांसाठी मालेगाव येथे हलविण्यात आले.
देवळा येथे अपघातात सात जखमी
By लोकमत न्यूज नेटवर्क | Updated: December 16, 2019 01:00 IST