स्थापना व इतिहास : जुन्या नाशकातील श्री संत नामदेव विठ्ठल मंदिराची स्थापना सुमारे १२० वर्षांपूर्वी झाली. ती कोणी केली, याचा उल्लेख आढळत नाही. सुमारे ७० वर्षांपूर्वी परदेशी नामक गृहस्थाला गोदावरीत विठ्ठल-रुक्मिणीच्या मूर्ती सापडल्या. त्यांची या मंदिरात प्रतिष्ठापना करण्यात आली. अनेक वर्षांपासून मंदिराची संपूर्ण व्यवस्था नाशिक शहर नामदेव शिंपी पंच मंडळ पाहत आहे. ४वैशिष्ट्ये व परंपरा : संपूर्ण मंदिराचे बांधकाम हे सागवानी लाकडात करण्यात आले आहे. सन १९९२-१९९३ मध्ये मंदिराचे मूळ स्वरूप कायम ठेवून जीर्णोद्धार करण्यात आला. मंदिरात दर आषाढी द्वादशीला नामसप्ताह आयोजित केला जातो. त्यात अनेक प्रवचन-कीर्तनकार सहभागी होतात. या मंदिरात सोनोपंत दांडेकर, तुकडोजी महाराज, गाडगे महाराज यांची प्रवचने झाल्याचे उल्लेख आहेत. ४आजचे कार्यक्रम : आषाढी एकादशीनिमित्त सकाळी ८ वाजता अभिषेक. सकाळी ९ ते १२ या वेळेत भजने, माधवदास राठी महाराज यांचे सायंकाळी ४ ते ५.३० या वेळेत प्रवचन, तर रात्री ९ ते ११.३० या वेळेत कीर्तन होणार असल्याची माहिती अध्यक्ष नंदलाल काळे यांनी दिली.
संत नामदेव विठ्ठल मंदिर, जुने नाशिक
By admin | Updated: July 9, 2014 00:53 IST