नांदगाव : मनमाड रोडवर प्रवासी वाहतूक करणारी अ‍ॅटोरिक्षा दुभाजकावर आदळून झालेल्या अपघातात चालकासह तिघे जण जखमी झाले. ते जळगाव येथील रहिवासी होते. नांदगाव पोलिसांनी दिलेल्या माहितीनुसार, जळगाव जिल्ह्यातील पाचोरा (क्र. एमएच १९ सीडब्ल्यू १५१९) येथे जाणारी रिक्षा नांदगाव-मनमाड रोडवर श्रीरामनगर हद्दीतील दुभाजकावर आदळली व घसरत जाऊन रोडच्या कडेला उलटली. त्यातील भानुदास रामचंद्र पाटील व इंद्रसेन पाटील गंभीर जखमी झाले. त्यांना तातडीने मनमाड ग्रामीण रु ग्णालयात दाखल केले असता तेथून त्यांना मालेगाव येथील प्रयास रु ग्णालायात हलविण्यात आले. वाहतूक पोलिसांनी अपघातग्रस्त रिक्षा उचलून पोलीस स्थानकात नेली. पुढील तपास पोलीस निरीक्षक संतोष मुटकुळे यांच्या मार्गदर्शनाखाली हवालदार राजू मोरे करीत आहेत.
मनमाड रोडवर रिक्षा उलटली
By लोकमत न्यूज नेटवर्क | Updated: September 12, 2020 01:11 IST