पुणे- भुसावळ  झाली आता दौंड- भुसावळ विशेष गाडी

पुणे आणि भुसावळदरम्यान धावणारी विशेष साप्ताहिक रेल्वे २९ जुलैपर्यंत दौंड ते भुसावळदरम्यान धावणार असल्याचे रेल्वे प्रशासनाकडून सांगण्यात आले.

मनमाड : पुणे आणि भुसावळदरम्यान धावणारी विशेष साप्ताहिक रेल्वे २९ जुलैपर्यंत दौंड ते भुसावळदरम्यान धावणार असल्याचे रेल्वे प्रशासनाकडून सांगण्यात आले. पुणे-भुसावळपर्यंत धावणारी साप्ताहिक एक्‍स्प्रेस २७ मे ते २९ जुलै या कालावधीत दौंड-भुसावळ- दौंडदरम्यान धावणार आहे. २९ जुलैपर्यंत दर गुरुवारी एक्‍स्प्रेस भुसावळहून सकाळी ६ वाजून १५ मिनिटांनी सुटणार असून, दौंड येथे ३ वाजून १० मिनिटांनी पोहोचणार आहे, तर दौंडहून दर गुरुवारी एक्‍स्प्रेस १२ वाजून ३० मिनिटांनी सुटणार असून, ८ वाजून ४५ मिनिटांनी भुसावळला   पोहोचणार आहे.  या गाडीला जळगाव, चाळीसगाव, मनमाड, कोपरगाव, बेलापूर, अहमदनगर या स्थानकांत थांबे  असल्याची माहिती रेल्वे प्रशासनाने दिली.