कांदा भावात घसरण सुरूच

लासलगाव :- देशातील इतरत्र असलेल्या राज्यांमध्ये कांद्याचे बंपर पिक निघाल्यामुळे कांद्याचे दर कोसळण्यास सुरु वात झाली आहे. शनिवार रविवारच्या दोन दिवसांच्या सुट्टीनंतर सोमवारी लासलगाव कृषी उत्पन्न बाजार समितीमध्ये कांद्याच्या दरामध्ये पुन्हा ४०० रु पयांची घसरण झाली . पाच फेब्रूवारीच्या तुलनेत कांदा दरात १३०० रु पयांची घसरण झाल्याने कांद्याचे दर पंधराशे रु पयांच्या आत आल्याने कांदा उत्पादक शेतकºयांमध्ये चिंतेचे वातावरण असून ही घसरण लवकर न थांबल्यास कांदा उत्पादक अडचणीत सापडतील . देशातील मध्यप्रदेश, राजस्थान ,गुजरातसह पश्चिम बंगालमध्ये नविन कांद्याची आवक झाल्याने तर राज्यातील पुणे व नगर जिल्ह्यातही मोठ्या प्रमाणात उन्हाळ कांद्याचे पिक निघाल्याने मागणी कमी झाली असल्याचे मत सभापती जयदत्त होळकर यांनी व्यक्त केले आहे. कांद्याचे सरासरी दरामध्ये घसरण होण्यामागे कांद्याची इतरत्र व स्थानिक बाजारात वाढलेली आवक देखील कारणीभूत असल्याचेही मत कांदा तज्ञ व्यक्त करताय. तर होळीसाठी कामगार सुट्टीवर जात असल्याने कांदा लोडींगसाठी मजूर नसल्यानेही कांदा खरेदीवर परिणाम होत असल्याचे सांगीतले जात आहे. कांदा लागवडीपासून तर बाजार विक्र ी पर्यंत कांदा उत्पादक शेतकºयांना १० ते १२ रु पये प्रति किलोमागे खर्च येतो त्यामुळे आज विक्र ी होणार कांदा हा उत्पादक १ ते ३ रु पये किलोमागे तोट्यात विक्र ी करताना दिसत आहे .गेल्या आठवड्यातील २० फेब्रुवारी रोजी याच कांद्याला जास्तीजास्त १७९०, सरासरी १६८०, कमीतकमी हजार रूपये भाव मिळत होता. मात्र सोमवारी आठवड्याच्या पहिल्याच दिवसी कांद्याला जास्तीजास्त १३१५, सरासरी ११५० कमीतकमी ९०० भाव मिळाल्याने कांदा उत्पादक भलताच नाराज दिसत आहे .