नाशिकरोडला जुगार अड्ड्यांवर पोलिसांचे छापे

नाशिकरोड परिसरातील दत्तमंदिर व डॉ़ आंबेडकर पुतळ्यामागे सुरू असलेल्या जुगार अड्ड्यांवर पोलिसांनी सोमवारी (दि़२६) सायंकाळी छापेमारी केली़ या प्रकरणी आठ जुगाऱ्यांना ताब्यात घेण्यात आले असून, त्यांच्याकडून १४ हजार रुपयांची रोख रक्कम व जुगाराचे साहित्य जप्त करण्यात आले आहे़ याप्रकरणी नाशिकरोड पोलीस ठाण्यात जुगार कायद्यान्वये गुन्हे दाखल करण्यात आले आहेत.

नाशिक : नाशिकरोड परिसरातील दत्तमंदिर व डॉ़ आंबेडकर पुतळ्यामागे सुरू असलेल्या जुगार अड्ड्यांवर पोलिसांनी सोमवारी (दि़२६) सायंकाळी छापेमारी केली़ या प्रकरणी आठ जुगाऱ्यांना ताब्यात घेण्यात आले असून, त्यांच्याकडून १४ हजार रुपयांची रोख रक्कम व जुगाराचे साहित्य जप्त करण्यात आले आहे़ याप्रकरणी नाशिकरोड पोलीस ठाण्यात जुगार कायद्यान्वये गुन्हे दाखल करण्यात आले आहेत.नाशिकरोडच्या दत्तमंदिर परिसरातील मोकळ्या जागेत सुरू असलेल्या जुगार अड्ड्यावर सोमवारी सायंकाळी ५ वाजेच्या सुमारास पोलिसांनी छापा टाकला़ यावेळी संशयित सलीम गुलाब शेख (४९, रा. करमदास मार्केट, जेलरोड) व त्याचा साथीदार हे कल्याण मटका यावर पैसे लावून जुगार खेळत होते़ या दोघांना ताब्यात घेण्यात आले असून, त्यांच्याकडून दोन हजार ८५० रुपये रोख व जुगाराचे साहित्य जप्त करण्यात आले आहे़नाशिकरोड येथील आंबेडकर पुतळ्याजवळ असलेल्या न्यू सिंग सायकल दुकानामागील जुगार अड्ड्यावर सोमवारी सायंकाळी पावणेसात वाजेच्या सुमारास पोलिसांनी छापा टाकला़ यावेळी अनिल भास्कर पाटेकर (५४, रा. एव्हरशिट हौसिंग सोसायटी, लिंगायत कॉलनीजवळ, देवळालीगाव) व त्याचे पाच साथीदार आकड्यावर पैसे लावून मटका जुगार खेळत होते़ त्यांच्याकडून ११ हजार ४३० रुपयांची रोख रक्कम व जुगाराचे साहित्य जप्त करण्यात आले आहे.म्हशीच्या पारडूची चोरीभद्रकालीतील घास बाजारातील रहिवासी अब्दुल कादिर अहमद (रा. भद्रकाली) यांच्या मालकीचे दोन वर्षांचे पारडू चोरून नेल्याची घटना सोमवारी (दि़२६) सकाळच्या सुमारास घडली़ याप्रकरणी संशयित शकुर पीर कुरेशी (रा. चौक मंडई, बागवानपुरा, नाशिक) याच्या विरोधात गुन्हा दाखल करून अटक करण्यात आली आहे़पाथर्डी फाट्यावरून दुचाकीची चोरीपाथर्डी फाट्यावरील माउलीनगरमधील रहिवासी समाधान गाडे यांची दुचाकी (एमएच १५, बीयू १७८१) चोरट्यांनी पाथर्डी फाट्यावरील लॉन्सजवळून चोरून नेली़ या प्रकरणी इंदिरानगर पोलीस ठाण्यात दुचाकी चोरीचा गुन्हा दाखल करण्यात आला आहे़बापूबंगला परिसरात संशयितास अटकइंदिरानगरमधील बापूबंगल्याजवळ घरफोडी अथवा चोरी करण्याच्या उद्देशाने लपून बसलेला संशयित सचिन पांडुरंग देवरे (३९, रा़ बडदेनगर, जुने सिडको) यास इंदिरानगर पोलिसांनी सोमवारी (दि़२६) मध्यरात्रीच्या सुमारास अटक केली असून, या प्रकरणी मुंबई पोलीस कायद्यान्वये गुन्हा दाखल करण्यात आला आहे़