राजापूरमध्ये पोलिसांचे पथसंचलन

राजापूर : येथील ग्रामपंचायत निवडणुकीच्या पार्श्‍वभूमीवर गावात तालुका पोलिसांकडून पथसंचलन करण्यात आले.

राजापूर येथे निवडणूक काळात गडबड, गोंधळ व कोणताही अनुचित प्रकार घडू नये यासाठी पथसंचलन करुन नागरिकांना सूचित करण्यात आले. कायदा व सुव्यवस्था अबाधित राखावी, असे आवाहन तालुका पोलीस ठाण्याचे पोलीस निरीक्षक अनिल भवारी यांनी केले आहे. दरम्यान, ग्रामपंचायत निवडणुकीच्या पार्श्‍वभूमीवर गावात जादा पोलीस बंदोबस्त तैनात करण्यात येणार आहे.