ओझरला मोटारसायकलची चोरी

एका अपार्टमेंटच्या पार्किंगमध्ये पार्क केलेली मोटारसायकल चोरट्याने चोरून नेल्याची घटना ओझर येथे घडली आहे. दरम्यान चोरटे सीसीटीव्हीत कैद झाले आहेत.

ओझर टाऊनशिप : एका अपार्टमेंटच्या पार्किंगमध्ये पार्क केलेली मोटारसायकल चोरट्याने चोरून नेल्याची घटना ओझर येथे घडली आहे. दरम्यान चोरटे सीसीटीव्हीत कैद झाले आहेत. बुधवारी (दि.७) रात्री आरीफ पठाण ( रा. कोहेसफा अपार्टमेंट, पंचवडनगर, ओझर) यांनी त्यांची होंडा शाईन मोटारसायकल (क्र. एमएच १५ सीएच ३०७२) अपार्टमेंटच्या पार्किंगमध्ये उभी केली होती. चोरट्याने ती चोरून नेली. मोटारसायकल चोरीचा हा प्रकार पहाटे ४ वाजेदरम्यान घडला असून, चोरट्यांनी अपार्टमेंटच्या पार्किंगमध्ये असलेल्या अनेक मोटारसायकलींचे पेट्रोलही पाइप कट करून काढले. तसेच त्यांच्याजवळील मास्टर कीने गाड्याचे हँडल लॉक उघडण्याचा प्रयत्न केला असल्याचे सीसीटीव्ही कॅमेरात कैद झाले आहे.