वर्ल्ड स्पेस सप्ताहानिमित्त नासाच्या संशोधकांशी थेट संवादाची संधी

वर्ल्ड स्पेस सप्ताहानिमित्त मविप्र व नॅशनल स्पेस सोसायटीतर्फे (यूएसए) निबंध, पोस्टर व मॉडेल स्पर्धांचे आयोजन करण्यात आले. या सप्ताहादरम्यान विद्यार्थ्यांना थेट इस्रो आणि नासाच्या संशोधकांनी थेट प्रक्षेपणाच्या माध्यमातून संवाद साधता येणार आहे.

नाशिक : वर्ल्ड स्पेस सप्ताहानिमित्त मविप्र व नॅशनल स्पेस सोसायटीतर्फे (यूएसए) निबंध, पोस्टर व मॉडेल स्पर्धांचे आयोजन करण्यात आले. या सप्ताहादरम्यान विद्यार्थ्यांना थेट इस्रो आणि नासाच्या संशोधकांनी थेट प्रक्षेपणाच्या माध्यमातून संवाद साधता येणार आहे. मराठा विद्या प्रसारक समाज व नॅशनल स्पेस सोसायटीच्या (यूएसए) नाशिक शाखेतर्फे संयुक्तरीत्या ४ ते १० आॅक्टोबरदरम्यान ‘वर्ल्ड स्पेस विक’ साजरा करणार असल्याची माहिती मविप्रच्या सरचिटणीस नीलिमा पवार व यूएसएच्या नाशिक शाखेचे अध्यक्ष अविनाश शिरोडे यांनी दिली असून जगभरात असा प्रयोग पहिल्यांना नाशिकमध्येच होत असल्याचा दावाही त्यांनी यावेळी केला आहे.  अंतराळ सप्ताहा दरम्यान आठवी ते बारावी व महाविद्यालयीन अशा दोन गटांत निबंध, पोस्टर व मॉडेल स्पर्धा होणार आहे. निबंध स्पर्धेत स्पेस युनिटस द वर्ल्ड, अंतराळ ही एक संकल्पना आहे. अंतराळाशी संबंधीत विषयांवर विद्यार्थ्यांना इंग्रजी भाषेत निबंध लिहायचे असून ते तीन प्रतींमध्ये १५ सप्टेंबरपर्यंत मराठा विद्या प्रसारक समाजाच्या कार्यालयात समक्ष येऊन जमा करावे लागणार आहेत.