सादडविहीर शिवारात  अपघातात एक ठार

तालुक्यातील सादडविहीर शिवारात पिकअप टेम्पोने मोटार-सायकलस्वाराला धडक दिल्याने झालेल्या अपघातात मोटारसायकलस्वार जागीच ठार झाला असून, त्याची पत्नी जखमी झाल्याने नाशिक येथे रुग्णालयात दाखल करण्यात आले आहे. गेल्या मंगळवारी सादडविहीर शिवारात नरूळकडून भरधाव वेगाने जाणाऱ्या पिकअप मालवाहू (एम एच ४१ एजी १९०६) वाहनाने मोटारसायकलला (एमएच १५ ४७७३) जोरदार धडक दिल्याने मोटारसायकल चालक बळीराम भिका महाले हे जागीच ठार झाले़ त्यांच्या पत्नी लताबाई बळीराम महाले गंभीर जखमी झाल्या आहेत.

कळवण : तालुक्यातील सादडविहीर शिवारात पिकअप टेम्पोने मोटार-सायकलस्वाराला धडक दिल्याने झालेल्या अपघातात मोटारसायकलस्वार जागीच ठार झाला असून, त्याची पत्नी जखमी झाल्याने नाशिक येथे रुग्णालयात दाखल करण्यात आले आहे.गेल्या मंगळवारी सादडविहीर शिवारात नरूळकडून भरधाव वेगाने जाणाऱ्या पिकअप मालवाहू (एम एच ४१ एजी १९०६) वाहनाने मोटारसायकलला (एमएच १५ ४७७३) जोरदार धडक दिल्याने मोटारसायकल चालक बळीराम भिका महाले हे जागीच ठार झाले़ त्यांच्या पत्नी लताबाई बळीराम महाले गंभीर जखमी झाल्या आहेत.  जखमी लताबाई महाले यांना कळवण उपजिल्हा रुग्णालयात दाखल करण्यात येऊन अधिक उपचारासाठी नाशिक येथे हलविण्यात आले़ त्यांची प्रकृती चिंताजनक असल्याचे समजते. सदर अपघातास कारणीभूत ठरलेल्या संशयित पिकअपचालक मद्यधुंद अवस्थेत असल्याने मयताच्या नातेवाइकांनी व मार्केडपिंप्री ग्रामस्थांनी वाहनचालक अशोक गवळी यास तत्काळ अटक करावी नाही तर बळीराम महाले यांचे  मृतदेह ताब्यात घेणार नाही, अशी भूमिका घेतल्यामुळे काही काळ तणावाची परिस्थिती निर्माण झाली होती.  पोलीसपाटील यांच्या फिर्यादीवरून अज्ञान वाहनाने धडक दिल्याबाबत पोलीस डायरीमध्ये नोंद करण्यात आली आहे. वाहनचालक अशोक गवळी यास चौकशीसाठी ताब्यात घेतले असून कळवण पोलीस घटनेबाबत अधिक चौकशी करीत आहेत़ चौकशीनंतर गुन्हा दाखल करण्यात येणार आहे़