सटाण्याजवळ अपघातात एक ठार

बुधवारी रात्रीच्या सुमारास अज्ञात वाहनाने दिलेल्या धडकेत दुचाकी अपघातात एक ठार, तर दोघे गंभीर जखमी झाले आहे. जखमींवर नाशिकच्या खासगी रूग्णालयात उपचार सुरू आहे.

सटाणा : देवळा रोडवरील मोरेनगर शिवारात बुधवारी रात्रीच्या सुमारास अज्ञात वाहनाने दिलेल्या धडकेत दुचाकी अपघातात एक ठार, तर दोघे गंभीर जखमी झाले आहे. जखमींवर नाशिकच्या खासगी रूग्णालयात उपचार सुरू आहे. सटाणा कृषी उत्पन्न बाजार समितीचे सेवानिवृत्त लेखापाल पोपटराव जिभाऊ पवार हे पत्नी सुशीला पवार (६३) व चि. करण नितीन पवार (७) हे सटाणा येथील लग्न आटोपून अवघ्या चार किमी. अंतरावर असलेल्या आपल्या घरी मोटारसायकलवरून परतत होते. रात्री राज्य महामार्गावर असलेल्या अंधारामुळे समोरून येणाऱ्या वाहनाने जोरदार धडक दिली. धडक देऊन वाहन व वाहनचालक फरार झाले. यामुळे ते सापडू शकले नाहीत. सदरचा अपघात इतका भीषण होता की, पोपटराव जिभाऊ पवार हे जागीच गतप्राण झालेत, तर पत्नी सुशीला पवार व नातू करण पवार हेदेखील गंभीर झाले. अपघात झाल्यानंतर कोणाकडूनही मदत प्राप्त झाली नाही. समोरून बागलाण तहसीलदार यांचे वाहन थांबल्याने तलाठी गोसावी व सामाजिक कार्यकर्ते श्यामकांत बगडाणे यांनी अपघातग्रस्तांना शासकीय रुग्णालयात तातडीने दाखल केले. पोपटराव पवार हे जागीच ठार झाले होते, तर सुशीला पवार व करण पवार यांना पुढील उपचारासाठी नाशिक येथे तत्काळ रवाना करण्यात आले. गुरूवारी सकाळी ११ वाजता पोपटराव पवार यांच्यावर सटाणा येथे अंत्यसंस्कार करण्यात आले. सटाणा पोलिसांत या अपघाताचा अज्ञात वाहनाविरुद्ध गुन्हा दाखल करण्यात आला असून, अधिक तपास पोलीस निरीक्षक भागवत जायभावे करीत आहेत. (वार्ताहर)निफाड फाटा बनला वाहतूक कोंडीचा फाटापिंपळगाव बसवंत : शहरातील वाहतुकीची कोंडी आता सर्वसामान्यांना डोकेदुखी ठरत आहे. प्रशासन व पोलीस खाते दोघांकडूनही नागरिकांची दखल घेतली जात नाही.पिंपळगाव बसवंत येथील निफाड फाट्यावरील वाढलेल्या अतिक्रमणांकडे प्रशासन का काणाडोळा करते. अतिक्रमणांमुळे वाहनांना वळणे घेण्यास अडचणी होत आहे. वाहतुकीची कोंडी काढण्यासाठी पोलीस कर्मचारी प्रयत्न करत आहे. परंतु अनेक कर्मचारी या ठिकाणी नसतात. शहराबाहेर वणी चौफुली निफाडरोडचा रानमळा आदि भागात वाहतुकीची कोंडी नसतानाही तेथे पोलीस कर्मचारी का उभे राहतात. हे प्रश्नचिन्ह असून, नागरिकांना पायी चालणेही मुश्कील बनले आहे. शिर्डी मार्गे येणारे जाणाऱ्या भाविकांना तर पर्यायीमार्ग नसल्याने शहरातूनच मार्ग काढावा लागतो. (वार्ताहर)त्यातच निफाड फाट्यावर रस्त्यावर वाढलेल्या अतिक्रमणांमुळे वाहनचालकांनाही जीव मुठीत धरुनच निफाड फाटा पास करावा लागतो.निफाड फाट्यावरील अतिक्रमणे काढल्यास वाहतुकीचा मार्ग मोकळा होईल. तसेच या ठिकाणी पोलीस चौकी बांधल्यास कायमस्वरुपी पोलीस कर्मचारी उभे राहतील. मात्र याकडे प्रशासन व पोलीस कर्मचारी कोणीही लक्ष देत नसल्याने नागरिकांना त्रास होत आहे.