त्र्यंबकेश्वर : तालुक्यातील सापगाव येथील डॉ. आंबेडकर नगरातील मच्छिंद्र निवृत्ती कांबळे (४०) या इसमाने आपल्या राहत्या घरात आढ्याला दोर बांधून गळफास घेऊन आत्महत्या केल्याची घटना घडली आहे. याबाबतची खबर गाव कामगार पोलीस पाटील पंढरी दिवे यांनी त्र्यंबकेश्वर पोलीस ठाण्याला दिली. आत्महत्येचे कारण कळू शकले नाही.
याबाबतची खबर मिळताच त्र्यंबकेश्वर पोलिसांनी घटनास्थळी भेट देऊन पाहणी केली. याबाबत अकस्मात मृत्यूची नोंद करण्यात आली आहे. याबाबतचा अधिक तपास पोलीस निरीक्षक संदीप रणदिवे यांच्या मार्गदर्शनाखाली पोलीस नाईक मोरे करीत आहेत.