नाशिक : मानव-वन्यजीव संघर्ष टाळण्यासाठी वनविभागाकडून लहान पिंजरे लावून बिबट्यांना 'रेस्क्यू' केले जाते; मात्र यानंतर हे बिबटे सोडायचे कोठे? हा यक्षप्रश्न वनविभागापुढे सध्या उभा राहिला आहे. यावर मात करण्यासाठी नाशिक वनविभागाने बिबट्यांसाठी एकप्रकारचे 'लॉकअप' उभारण्याचा निर्णय घेतला आहे.
वनखात्याच्या जागेवर ३३ मोठ्या पिंजऱ्यांच्या (एन्क्लोजर) निर्मितीचे काम लवकरच सुरू केले जाणार असल्याचे वनविभागाच्या सूत्रांनी सांगितले.
'टीटीसी' मध्ये दहा पिंजरे
म्हसरूळ येथील ट्रान्सिट ट्रिटमेंट सेंटर (टीटीसी) या वन्यप्राणी उपचार केंद्राची क्षमतादेखील वाढविण्यात येणार आहे. या ठिकाणी शिल्लक जागेमध्ये दहा मोठे पिंजरे एन्कोलोजरसह उभारण्यात येणार आहेत.
या सहा तालुक्यांची निवड
नाशिक, त्र्यंबकेश्वर, सिन्नर, इगतपुरी, येवला (ममदापूर), दिंडोरी (वणी खुर्द) या तालुक्यांमध्ये मोठे पिंजरे तयार करण्यात येणार आहेत.
Web Summary : To mitigate human-wildlife conflict, Nashik Forest Department will build 'lockups' – 33 large enclosures – for rescued leopards. Ten enclosures will also be added to the Transit Treatment Center. Locations include Nashik, Sinnar, and Igatpuri.
Web Summary : मानव-वन्यजीव संघर्ष को कम करने के लिए, नासिक वन विभाग बचाए गए तेंदुओं के लिए 'लॉकअप' - 33 बड़े बाड़े - बनाएगा। ट्रांजिट ट्रीटमेंट सेंटर में दस बाड़े भी जोड़े जाएंगे। स्थानों में नासिक, सिन्नर और इगतपुरी शामिल हैं।