निफाड : माझी वसुंधरा अभियानाअंतर्गत निफाड नगरपंचायतीच्या वतीने प्रत्येक आठवड्याच्या दर बुधवारी सायकल रॅलीचे आयोजन करण्यात येत आहे. या उपक्रमाची जनजागृती करण्यासाठी निफाड नगरपंचायतीच्या बुधवारी (दि.२३) सकाळी सायकल रॅलीचे नियोजन करण्यात आले होते.
या सायकल रॅलीस छत्रपती शिवाजी महाराज चौकातून प्रारंभ करण्यात आला. ही रॅली शनि चौकामागील रस्त्याने शहरातील प्रमुख मार्गावरुन-कुंदे मंगल कार्यालयापर्यत काढण्यात आली. या सायकल रॅलीत निफाडचे पोलीस उपअधीक्षक सोमनाथ तांबे, पोलीस निरीक्षक रंगराव सानप, डॉक्टर असोसिएशनचे डॉ. ताथेड, डॉ. नितीन धारराव तसेच शहरातील सार्वजनिक मंडळे आदी सहभागी झाले होते.सदर सायकल रॅली उपक्रम यशस्वी करण्यासाठी निफाड मुख्याधिकारी डॉ श्रीया देवचके, पाणीपुरवठा विभागाच्या अभियंता भाग्यश्री सोनवणे, कर व प्रशाकीय अधिकारी हर्षवर्धन मोहिते, लेखापाल नितीन भवर, शरद काकुळते, राजेंद्र भवर, रामदास कराटे, बाबूलाल थोरात व इतर नगरपंचायत कर्मचारी आदी प्रयत्नशिल होते.