जिल्हा अजिंक्यपद व्हॉलीबॉल स्पर्धेचे आयोजन.

नाशिक: : - नाशिक जिल्हा व्हॉलीबॉल असोसिएशनच्या वतीने आणि समर्थ जॉगिंग ट्रॅक गंगापूर रोड नाशिक आण िकिशोर सिरसाठ कस्ट्रक्शन यांच्या सहकार्याने २८ ते ३० नोव्हेंबर दरम्यान नाशिकच्या आकाशवाणीजवळील समर्थ जॉगिंग ट्रॅकच्या मैदानावर वरिष्ठ गटाच्या पुरूष आणि महिलांच्या नाशिक जिल्हा अजिंक्यपद व्हॉलीबॉल स्पर्धा निवड चाचणीचे आयोजन करण्यात आले आहे. या स्पर्धेतील कामिगरीच्या आधारे खेळाडूंची नाशिक जिल्हाच्या संघासाठी निवड केली जाणार आहे. हे निवड झालेले खेळाडू सराव शिबीरानंतर महाराष्ट्र राज्य अजिंक्यपद स्पर्धेत नाशिक जिल्हाचे प्रतिनिधीत्व करतील.तरी या स्पर्धेत नाशिकमधील जास्तीत जास्त संघानी सहभाग नोंदवावा असे आवहान नाशिक जिल्हा व्हॉलीबॉल असोसिएशन आणि समर्थ जॉगिंग ट्रॅक यांच्या वतीने करण्यात आले आहे. ज्या संघांना या स्पर्धेत सहभाग घ्यायचा असेल अशा संस्थांनी, संघानी आपला प्रवेश अर्ज आपल्या संस्थेच्या, संघाच्या लेटरहेडवर दिनांक २७ रामदास होते अथवा आनंद खरे यांच्याकडे द्यावे असे अवााहन करण्यात आले आहे. या स्पर्धा यशस्वी करण्यासाठी नाशिक जिल्हा व्हॉलीबॉल असोसिएशनचे सर्व पदाधीकारी व्हॉलीबॉचे जेष्ठ खेळाडू, आणि समर्थ जॉगिंग ट्रॅकचे सर्व सभासद कार्यरत आहेत. या नवीन ठिकाणी प्रथमच व्हॉलीबॉलच्या स्पर्धा आयोजित होत असल्यामुळे या परिसरातील क्र ीडाप्रेमींना चांगला खेळ बघण्याची संधी मिळणार आहे.