-दिनेश पाठकनाशिक- सिडकोतील प्रभाग क्रमांक २५ आणि २९ मध्ये पैसे वाटप होत असल्याच्या कारणाने आज दुपारी प्रचंड तणावाचे वातावरण निर्माण झाले. भाजपाचे उमेदवार सुधाकर बडगुजर यांच्या सावतानगर येथील कार्यालयामागे असलेल्या उद्यानात पैसे वाटप होत असल्याची चर्चा सुरू झाल्याने पैसे घेण्यासाठी प्रचंड मोठी रांग लागली होती. जवळपास सहा ते सात हजार महिला व पुरुष येथे जमले होते. ही माहिती मिळताच शिंदे सेनेचे उमेदवार ॲड.अतुल सानप व अपक्ष उमेदवार मुकेश शहाणे आपल्या कार्यकर्त्यांसह बडगुजर यांच्या कार्यालयावर आल्याने दोन्ही तिन्ही गट समोरासमोर आले.
दोघा गटाच्या दोन कार्यकर्त्यांमध्ये हमरीतुमरी झाली त्यामुळे तणाव अधिकच वाढला. त्यावेळेस पोलिसांनी सौम्य लाठीमार करून जमावाला पांगवले. त्याच ठिकाणी मुकेश शहाणे यांना पोलिसांनी आपल्या व्हॅनमध्ये बसवले. मुकेश शहाणे यांनी त्यावेळेस पोलिसांना विनंती केल्यानंतर त्यांना व्हॅनमधून बाहेर सोडण्यात आला. त्यावेळेस पोलिसांनी बडगुजर यांच्या कार्यालयाबाहेर असलेल्या उद्यानाला कुलूप ठोकले. तसेच बडगुजर यांचे कार्यालय देखील बंद पाडण्यास कार्यकर्त्यांना भाग पाडले त्यामुळे तेथे तणाव निवळला. मात्र अतिरिक्त कुमक या ठिकाणी मागविण्यात आल्यानंतर पोलिसांची पेट्रोलिंग देखील वाढवण्यात आली.
Web Summary : Tension erupted in Nashik's Cidco over alleged money distribution. Police used mild force to disperse crowds gathered near a BJP candidate's office, leading to temporary closures and increased patrolling.
Web Summary : नाशिक के सिडको में पैसे बांटने के आरोप के बाद तनाव फैल गया। भाजपा उम्मीदवार के कार्यालय के पास भीड़ जमा होने पर पुलिस ने हल्का बल प्रयोग किया, जिसके कारण अस्थाई रूप से बंदी और गश्त बढ़ाई गई।