ठळक मुद्देसर्वसामान्य जनतेच्या मनात प्रचंड रोषाची भावना
लोकमत न्यूज नेटवर्कनाशिक : भारत-चीन सीमावादामुळे निर्माण झालेल्या तणावाच्या पार्श्वभूमीवर महाराष्ट्र नवनिर्माण सेनेने आक्रमक भूमिका घेतली असून, शहरातील चिनी उत्पादनांच्या जाहिराती व फलक त्वरित काढण्याची मागणी मनसेच्या प्रतिनिधी मंडळाने महापालिका आयुक्त राधाकृष्ण गमे यांच्याकडे केली आहे.भारतीय सैनिकांवर भ्याड हल्ला केल्याने या हल्ल्यात २० भारतीय सैनिक शहीद झाले. चीनच्या या आगळीकीने देश व राज्यातील सर्वसामान्य जनतेच्या मनात प्रचंड रोषाची भावना व्यक्त होत असून, याच पार्श्वभूमीवर मनसेच्या शिष्टमंडळाने मनपा आयुक्त गमे यांची भेट घेऊन नाशिक शहरातील चिनी उत्पादनांच्या जाहिराती व फलक त्वरित काढण्यात याव्यात यासाठी निवेदने सादर केले. यावेळी मनविसेचे प्रदेश उपाध्यक्ष संदीप भवर, जिल्हा सरचिटणीस अक्षय कोंबडे, जिल्हा सचिव संदेश जगताप उपस्थित होते.