शेतकऱ्यावर बिबट्याचा हल्ला

ननाशी : दिंडोरी तालुक्यातील बाडगीचापाडा येथील एका शेतकºयावर शेतात काम करीत असताना दुपारच्या वेळेस अचानक बिबट्याने हल्ला करून जखमी केले आहे. या घटनेने परिसरातील शेतकऱ्यांमध्ये घबराट निर्माण झाली आहे.

ठळक मुद्देबाडगीचापाडा : शेतात काम करतानाची घटना

ननाशी : दिंडोरी तालुक्यातील बाडगीचापाडा येथील एका शेतकºयावर शेतात काम करीत असताना दुपारच्या वेळेस अचानक बिबट्याने हल्ला करून जखमी केले आहे. या घटनेने परिसरातील शेतकऱ्यांमध्ये घबराट निर्माण झाली आहे.तालुक्यातील बाडगीचापाडा येथील शेतकरी सीताराम अमृता कनोजे (६५) हे रविवारी (दि.१०) बाडगीचापाडा शिवारातील आपल्या शेतात काम करीत असताना दुपारी एक वाजेच्या दरम्यान अचानक बिबट्याने त्यांच्यावर हल्ला चढविला पण या वयोवृद्ध शेतकºयाने निकराने प्रतिकार केला.या दरम्यान बिबट्याच्या हल्ल्यात कनोजे यांच्या कपाळावर डाव्या भुवईच्यावर गंभीर दुखापत झाली आहे. दरम्यान यावेळी कनोजे यांनी आरडाओरड करीत परिसरात काम करणाºया इतर शेतकºयांना मदतीसाठी हाका मारल्या. त्यावेळी आवाज ऐकून परिसरातील इतर शेतकºयांनी कनोजे यांच्या दिशेने धाव घेत बिबट्याला पिटाळून लावले. तसेच तातडीने कनोजे यांना ननाशी प्राथमिक आरोग्य केंद्रात दाखल केले. तेथील वैद्यकीय अधिकाºयांनी त्यांच्यावर उपचार केले. कनोजे यांच्या डाव्या भुवईच्यावर जखम होऊन सहा टाके पडले आहेत.ननाशी परिसरात गेल्या चार ते पाच वर्षांपासून बिबट्याचा उपद्रव नव्हता, परंतु आता पुन्हा बिबट्याचा वावर वाढला असून, परिसरात अनेक शेतकरी मळ्यात वस्ती करून राहतात आणि दिवसाढवळ्या बिबट्याचा हल्ला झाल्याने शेतकरी वर्गात घबराट निर्माण झाली असून, वनविभागाच्या वतीने पिंजरा लावून बिबट्याचा बंदोबस्त करावा, अशी मागणी परिसरातील शेतकरी आणि ग्रामस्थांनी केली आहे.