ठळक मुद्देएक लाख दोन हजार ८०० रुपयांचा ऐवजम्हसरूळ पोलीस ठाण्यात घरफोडीचा गुन्हा
नाशिक : बाहेरगावी गेलेल्या कुटुंबीयांच्या घराच्या दरवाजाचा कडी-कोयंडा तोडून चोरट्यांनी सोन्याचे दागिने व रोख रकमेसह एक लाख दोन हजार ८०० रुपयांचा ऐवज चोरून नेल्याची घटना रासबिहारी लिंकरोडवरील मानेनगरमध्ये घडली आहे़
सागर कुमावत (रा़ गणेश रो-हाउस) यांनी दिलेल्या फिर्यादीनुसार २३ व २४ डिसेंबर रोजी कुटुंबासहीत बाहेरगावी गेले होते़ या कालावधीत चोरट्यांनी त्यांच्या घराच्या मुख्य दरवाजाचा कडी-कोयंडा तोडून घरात प्रवेश केला़ यानंतर बेडरूममधील कपाटातून सोन्याचे दागिने (मंगळसूत्र, गोफ, वेढे, चांदीच्या साखळ्या, बाजूबंद, चांदीचे कडे, जोडवे) व रोख रक्कम असा एक लाख दोन हजार ८०० रुपयांचा ऐवज चोरून नेला़
याप्रकरणी म्हसरूळ पोलीस ठाण्यात घरफोडीचा गुन्हा दाखल करण्यात आला आहे़