गर्भपाताच्या औषधांचा बेकायदा साठा जप्त

विनापरवानगी गर्भपाताची औषधे साठवणाऱ्या मालेगाव येथील एका विक्रेत्यास अटक करण्यात आली असून, त्याच्याकडून ९० हजार रुपये किमतीची औषधे जप्त करण्यात आली आहेत.

नाशिक : विनापरवानगी गर्भपाताची औषधे साठवणाऱ्या मालेगाव येथील एका विक्रेत्यास अटक करण्यात आली असून, त्याच्याकडून ९० हजार रुपये किमतीची औषधे जप्त करण्यात आली आहेत. नाशिकच्या अन्न व औषधे विभागातील औषध निरीक्षक प्रशांत ब्राह्मणकर यांनी मालेगावच्या आझादनगर पोलिसांच्या मदतीने ही कारवाई केली. ब्राह्मणकर यांनी पोलिसांच्या मदतीने छापा टाकल्यानंतर या ठिकाणी गर्भपाताची औषधे, गोळ्या आणि किट‌्स आढळले. याप्रकरणी औषधे व सौंदर्यप्रसाधने कायद्यांतर्गत आबीद आमिन याच्या विरोधात गुन्हा दाखल केला आहे. त्यास अटक करण्यात आली असून, पुढील तपास सहायक पोलीस निरीक्षक प्रदीप आव्हाड करीत आहेत.