कोरोना सेवेतून मुक्त करण्याच्या परिपत्रकाकडे दुर्लक्ष; शिक्षकात नाराजी

भाऊसाहेबनगर : शिक्षकांना देण्यात आलेल्या कोरोना संदर्भातील सेवा त्वरित रद्द कराव्यात असे पंधरा दिवसांपूर्वी निघालेल्या शालेय शिक्षण विभागाचे परिपत्रकाकडे दुर्लक्ष करून शिक्षक वर्गाला कोरोना सेवेत जुंपले जात असल्याने शिक्षकांमधे नाराजी पसरली आहे . दरम्यान, शिक्षकांची या कामातुन त्वरित मुक्तता करावी अशी मागणी निफाड तालुका माध्यमिक शिक्षक संघटनेच्या वतीने निफाडचे नायब तहसीलदार व गटशिक्षणाधिकाऱ्यांकडे निवेदनाद्वारे करण्यात आली आहे.

ठळक मुद्देमागणी : निफाडच्या नायब तहसीलदारांसह, गटशिक्षणाधिकाऱ्यांना निवेदन

एप्रिल महिन्यापासून लॉकडाऊन दरम्यान जवळजवळ तीन महिने शिक्षक रेशन दुकान,चेकपोस्ट, कंण्टेमेण्ट झोन,टोलनाका, रेल्वेस्थानक याठिकाणी रात्री,विना सुरक्षा साधनासह सेवा देत आहेत. मार्गदर्शक तत्व अव्हेरु नही नेमणुका असताना आपत्तीचा काळ म्हणून शिक्षकांनी सेवा दिली. मात्र शाळा सुरु होत असताना सर्वत्र या सेवेतुन शिक्षकांची मुक्तता करावी अशी मागणी होऊ लागली असे निवेदनात म्हटले आहे. यासंदर्भात दि. २३ जूनला अशी मागणी तहसीलदारांकडे तर शिक्षक आमदारांनी शिक्षणमंत्र्याकडे दि. २४ जूनला केली होती. शालेय शिक्षण विभागाने त्याचदिवशी परिपत्रक काढून शिक्षकांची सदर कामातून मुक्तता करण्याच्या सुचना दिल्या होत्या. मात्र आता पंधरा दिवस उलटूनही शिक्षकांची सेवेतून मुक्तता तर झाली नाही शिवाय पुन्हा सेवेत घेण्याचे आदेश दिले जात आहेत. वस्तुत: आरोग्य, महसुल, पोलीस या यंत्रणेबरोबर तीन म्ािहने काम केले. त्यात थोडी कसुर झाली तर कारवाईचा बडगाही उगारला जात आहे. आता शाळा सुरु होण्याचे नियोजन,आॅनलाईन शिक्षण, प्रवेश प्रक्रि या, पुस्तक वाटप, पोषण आहार आदींसह इतर कामे करणे आवश्यक आहे. यासाठी शाळेत बोलविण्याचे मार्गदर्शक तत्वही ठरविलेले आहे. शिक्षकांची संख्या अपुरी, कोरोना सेवेत शिक्षक यामुळे मुख्याध्यापक वर्गाची अडचण होत आहे. याचा परिणाम यावर्षीच्या शैक्षणिक बाबीवर होण्याची भिती निवेदनात वर्तविली आहे. यासाठी शिक्षकांची सदर सेवेतून त्वरित मुक्तता करावी अशा मागणीचे निवेदन निफाडच्या नायब तहसिलदार कल्पना निकुंब व गटशिक्षणाधिकारी यांना निफाड तालुका माध्यमिक शिक्षक संघटनेच्यावतीने देण्यात आले. निवेदनावर संजय गिते, समीर जाधव, चंद्रकांत कुशारे,मुकुंद जाधव,बाबा गुंजाळ,देविदास सोनवणे, नितीन डोखळे, संजय भोई, मधुकर सोनवणे, बाळासाहेब देवरे, एस. बी. जाधव, एस. बी. सैंदाणे, जी. डी. कांदळकर, एम. आर. सुर्यवंशी, किरण जाधव, एल. डी. भरसट आदींच्या स्वाक्षºया आहेत.