गुणवंत विद्यार्थी गौरव सोहळा

नाशिक : महिंद्र कंपनीच्या वतीने गुणवंत विद्यार्थ्यांचा गौरव करण्यात आला. याप्रसंगी प्रमुख पाहुणे म्हणून पोलीस अधिकारी डॉ. विशाखा भदाणे उपस्थित होत्या. कार्यक्रमाच्या अध्यक्षस्थानी कंपनीचे उपाध्यक्ष हिरामण आहेर उपस्थित होते. प. सा. नाट्यगृहात आयोजित या कार्यक्रमप्रसंगी व्यासपीठावर कंपनीचे उपाध्यक्ष प्रदीप देशमुख, महाव्यवस्थापक चंद्रकांत धांडे, सतीश गांगरे, कार्मिक उपमहाव्यवस्थापक जितेंद्र कामतीकर, विवेक निंबाळकर, नरेश शानबाग, मोहन कुमार, संतोष गाजरे, अशोक बोरस्ते, डॉ. दिनेश ठाकरे, कामगार संघटनेचे अध्यक्ष योगेश चव्हाण, सरसिचटणीस सोपान शहाणे, आर. ए. पवार, एस. बी. अवसरकर आदी उपस्थित होते. यावेळी प्रमुख पाहुण्यांच्या हस्ते तीनशे गुणवंत विद्यार्थ्यांचा पारितोषिके देऊन सत्कार करण्यात आला. वैद्यकीय क्षेत्रातील पदवी प्राप्त डॉ. माधुरी डोके व डॉ. बिडगर यांच्यासह अभियांत्रिकी पदवी प्राप्त विद्यार्थ्यांना गौरविण्यात आले. सूत्रसंचालन विलास पाटणकर यांनी केले तर आभार विजय कुलकर्णी यांनी मानले.