मनमाड : ऑल इंडिया एससी एसटी रेल्वे एम्प्लाईज असोसिएशन कारखाना शाखेतर्फे भगवान गौतम बुद्ध यांची जयंती व रमाबाई आंबेडकर यांच्या स्मृतीदिनानिमित्त अभिवादन कार्यक्रमाचे आयोजन करण्यात आले होते.संघटनेचे झोनल सचिव सतिश केदारे यांच्या मार्गदर्शनाखाली सदर कार्यक्रम घेण्यात आला. यावेळी प्रमुख पाहुणे म्हणून कारखाना शाखाचे वरिष्ठ उपाध्यक्ष संदिप पगारे, सहाय्यक सचिव सुनील सोनवणे, बहुजन युवक संघाचे कोषाध्यक्ष साईनाथ लांडगे, किशोर वानखेडे, राजेंद्र मोरे आदी उपस्थित होते.
किशोर वानखेडे, राजेंद्र मोरे, अंबादास आहेर, चंद्रकांत कासार, संजय काळे, संतोष माळी, राजेंद्र नांगरे यांच्या हस्ते भगवान गौतम बुद्ध व रमाबाई आंबेडकर यांच्या प्रतिमेला पुष्पहार अर्पण करण्यात आले. प्रास्ताविक सचिव सागर गरूड यांनी तर आभारप्रदर्शन पंढरीनाथ पठारे यांनी केले. कार्यक्रमाचे सुत्रसंचलन शरद झोंबाड यांनी केले.