ठळक मुद्देअस्वच्छतेने रोगराईला आमंत्रण
अलंगुण : सुरगाणा तालुक्यातील कचुरपाडा येथे कोरोना व पावसाळ्याच्या पाशर््वभूमीवर जनसेवा मंडळ, पेठ व सुरगाणा पंचायतीच्या वतीने ग्रामस्वच्छता अभियान राबविण्यात आले. पावसाळ्याच्या पाशर््वभूमीवर जनआरोग्याच्य दृष्टीने ग्रामस्वच्छता राखणे अधिक महत्त्वाचे असून अस्वच्छतेने रोगराईला आमंत्रण मिळते. याबरोबर पावसाळ्यात गावपाड्यात व परिसरात मोठया प्रमाणावर गवत वाढलेले असल्याने सुरगाणा तालुक्यातील आदिवासी ग्रामीण भागात सर्पदंशसारख्या घटना घडल्या आहेत. यागोष्टिंना आळा बसावा व सर्वांना स्वच्छतेचे महत्त्व समजावे म्हणून या कार्यक्र माचे आयोजन करण्यात आले. याप्रसंगी मनोहर जाधव, दिलीप महाले, कमलेश वाघमारे, हनुमंत वाघमारे, हंसराज भोये, पंडित गवे, धनाजी लहरे, कृष्णा वाघमारे, पंढरीनाथ भडांगे, कमलाकर गवे, कैलास चौधरी आदी उपस्थित होते.