अत्यावश्यक सेवेखाली गोरख धंदा

‘अत्यावश्यक सेवा किराणा माल, शेती औजारे व भाजीपाला’ असा फलक वाहनाच्या पुढच्या काचेच्या बाजूला लावून जनावरांची बेकायदेशीर वाहतूक करणाऱ्या चालकाला वणी पोलिसांनी अटक केली असून, लॉकडाउनच्या काळात संधिसाधूंचा फसवणुकीचा गंभीर प्रकार उघडकीस आला आहे.

ठळक मुद्देजनावरांसह मांसाची वाहतूक : दिंडोेरी व सिन्नर तालुक्यात पोलिसांकडून कारवाई

लखमापूर : ‘अत्यावश्यक सेवा किराणा माल, शेती औजारे व भाजीपाला’ असा फलक वाहनाच्या पुढच्या काचेच्या बाजूला लावून जनावरांची बेकायदेशीर वाहतूक करणाऱ्या चालकाला वणी पोलिसांनी अटक केली असून, लॉकडाउनच्या काळात संधिसाधूंचा फसवणुकीचा गंभीर प्रकार उघडकीस आला आहे.वणी पोलीस ठाण्याचे कर्मचारी कोंशिबे, ता. दिंडोरी येथील चौफुलीवर कोरोनाच्या पार्श्वभूमीवर बंदोबस्तासाठी तैनात होते. यावेळी कोंशिबे परिक्षेत्राचे पोलीस हवालदार अंबादास गायकवाड, पोलीस नाईक अण्णा जाधव, कोंशिबेचे तलाठी महेश भोये, ग्रामसेवक एकनाथ गायकवाड यांनी भनवडकडून लखमापूरकडे जाणारी पिकअप (एमएच १५ एफव्ही ११५२) थांबविली असता पिकअपवर पुढच्या बाजूला ‘अत्यावश्यक सेवा किराणा माल, शेती औजारे व भाजीपाला’ असा फलक लावल्याचे दिसून आले. त्यामुळे पोलिसांनी पिकअपचालकाकडे गाडीत काय आहे, याबाबत चौकशी केली असता वाहनात काही नसल्याची उडवाउडवीची उत्तरे देण्यात आली. त्याच वेळी वाहनातून जनावरांचा आवाज आल्यानंतर अधिकाऱ्यांनी व पोलिसांनी अधिक तपासणी केली असता वाहनात ४ जनावरे आढळून आली.सदर जनावरे कत्तलीसाठी नेत असल्याचे पोलिसांना कळताच चालक सचिन पवार (रा. बजरंगवाडी, विल्होळी) याच्याकडे विचारपूस केली असता त्याने राजू सोनवणे (रा. पिंपळगाव बसवंत) यांच्या सांगण्यावरून वाहतूक करीत असल्याचे सांगितले. पोलिसांनी चार जनावरांसह पिकअप व्हॅन असा सुमारे ५ लाख २७ हजारांचा मुद्देमाल जप्त करत चालक आणि राजू सोनवणे यांच्याविरु द्ध गुन्हा दाखल केला.प्राण्यांची क्रूरपणे व इजा पोहचेल असे कृत्य करून गोवंश प्रतिबंधक कायदा तसेच मोटार वाहन कायदा व कोरोनाचे संदर्भातील संचारबंदीचे उल्लंघन केल्याने गुन्हा दाखल करण्यात आला. पोलिसांनी चालकास अटक केली असून, राजेंद्र सोनवणे यासही पिंपळगाव बसवंत येथे जाऊन अटक करण्यात आली आहे.जनावरांची पांजरापोळला रवानगीपकडलेल्या जनावरांची पशुवैद्यकीय अधिकाºयांकडून तपासणी करून त्यांची येथील श्री कृषी गोशाळा, पांजरपोळ येथे चारापाण्याची व्यवस्था करण्यात आली आहे. यावेळी जप्त करण्यात आलेल्या वाहनावर जीवनावश्यक सेवा माल वाहतूक, किराणा माल वाहतूक असा फलक लावण्यात आला होता. मात्र जीवनावश्यक सेवेऐवजी त्यातून जनावरांची बेकायदेशीररीत्या वाहतूक करण्यात आली, यामुळे खोटा परवाना लावून शासनाची फसवणूक केल्याप्रकरणी गुन्हा दाखल झाला.आयशरमध्ये कोबीच्या आडून लपवले मांसनांदूरशिंगोटे : भाजीपाला भरलेल्या आयशरमधून जनावरांच्या मांसाची अवैधरीत्या वाहतूक सुरू असल्याचा धक्कादायक प्रकार चौथ्यांदा उघडकीस आला आहे. मंगळवारी (दि. १४ ) रात्री साडेनऊच्या सुमारास हा प्रकार उघडकीस आला.वावी पोलिसांनी ट्रकसह ५ टन मांस जप्त केले असून, दोघा जणांवर गुन्हा दाखल करण्यात आला आहे.नांदूरशिंगोटे-लोणी रस्त्यावर मंगळवारी रात्री ९ वाजेच्या सुमारास नांदूरशिंगोटे येथे जिल्हा सीमेवरील नाकाबंदीदरम्यान वाहनांची तपासणी सुरू असताना ५ टन जनावरांचे मांस वाहून नेणारा आयशर पकडण्यात आला. या कारवाई पाच लाख रुपये किमतीच्या मांसासह ९ लाख ५० हजार रुपयांचा मुद्देमाल जप्त करण्यात आला आहे.पोलीस शिपाई सुधाकर चव्हाणके यांनी दिलेल्या फिर्यादीनुसार इक्बाल अब्दुल रहमान खान (२९), अहसान महम्मद कुरेशी (२२), रा. कसाईवाडा, कुर्ला, मुंबई) यांच्या विरोधात गुन्हा दाखल करण्यात आला. हे दोघे आयशर ट्रकमध्ये (क्र. एमएच ०४ ऐक्यू ६७२६ ) कोबी व त्याखाली जनावरांचे मांस भरून संगमनेरकडून निमोणमार्गे मुंबईच्या दिशेने निघाले होते. पोलिसांना संशय आल्याने त्यांनी कसून चौकशी केल्यानंतर हा प्रकार उघड झाला. वावी पोलीस ठाण्याचे सहायक पोलीस निरीक्षक रणजित लांडगे यांच्या मार्गदर्शनाखाली हवालदार पी. के. अढांगळे, पी. सी. भांगरे पुढील तपास करीत आहेत.