गोहरणचा रस्ता मोकळा

वडनेरभैरव : विद्यार्थी व नागरिकांची गैरसोय दूरवडनेर

भैरव : चांदवड तालुक्यातील पिंपळणारे ते गोहरण रस्ता नांगरल्यामुळे करवाडी येथील जिल्हा परिषद वस्ती शाळेत जाणारे विद्यार्थी व परिसरातील शेतकऱ्यांचे हाल होत होते. सदरचा रस्ता त्वरित सुरू करावा, असे निवेदन प्रांताधिकारी भीमराज दराडे व तहसीलदार मनोज देशमुख यांना पिंपळनारे येथील शेतकऱ्यांनी दिले होते. निवेदनाची दखल घेत तहसीलदार मनोज देशमुख यांनी रस्ता त्वरित सुरळीत सुरू केला. पिंपळणारे ते करवाडी, गोहरण रस्ता अचानक नांगरल्यामुळे करवाडी येथील जिल्हा परिषद वस्ती शाळेतील दोनशे विद्यार्थ्यांची शाळाच बंद झाली होती. हा रस्ता पिंपळणारे शिवारातील गट नंबर १७२ मध्ये नकाशावर सरकारी रस्ता असून, रस्ता अचानक बंद केल्याने परिसरातील शेतकऱ्यांसह ग्रामस्थांचे हाल होत होते. परिसरातील शेतमाल काढायचा कसा, व बाजरात न्यायचा कसा, असा प्रश्न शेतकऱ्यांना पडला होता. परंतु या प्रश्नी सोमवारी (दि.१४) तहसीलदार मनोज देशमुख यांच्यासह वडनेरभैरवच्या पोलिसांनी हा रस्ता वाहतुकीसाठी मोकळा केला. यावेळी उपसरपंच अनिल कोठुळे, पोलीसपाटील नवनाथ पाटील, माजी उपसरपंच महेदं्रसिंग परेदशी, तंटामुक्ती अध्यक्ष पुंडलिक गांगुर्डे, ग्रामपंचायत सदस्य सुरेश यशवंते, समाधान गांगुर्डे, एकनाथ अहेर, संजय पवार, केशव धनाईत, नंदकिशोर गांगुर्डे, रामदास चव्हाण, भाऊसाहेब धनाईत, डॉ. प्रदीपसिंग परदेशी, संजय गांगुर्डे, विष्णू अहेर, राहुल परदेशी, दादा महाले, पंडित गांगुर्डे, शरद पाचोरकर, माधवसिंंग परदेशी, अनिल यशवंते, गौतम आंबेकर, भाऊसाहेब निकम, मंडल अधिकारी विजय भंडारे, तलाठी चौरे आदिंसह ग्रामस्थ उपस्थित होते. (वार्ताहर)