शॉर्टसर्किटमुळे चार एकर डाळिंब बाग जळून खाक

सटाणा : बागलाण तालुक्यातील चौगाव पाठोपाठ कुपखेडा येथे शॉर्टसर्किटमुळे लागलेल्या आगीत सुमारे चार एकर डाळिंब बाग जळून खाक झाली. ही घटना गुरु वारी दुपारी तीन वाजेच्या सुमारास उघडकीस आली. या आगीत दहा लाख रु पयांचे नुकसान झाल्याचा प्राथमिक अंदाज आहे. कुपखेडा येथील उषाबाई सखाराम जगताप यांच्या दोधेश्वर शिवारातील गट नंबर १२५/३ मध्ये चार एकर डाळिंब बागेचे क्षेत्र आहे.पाच वर्षांपूर्वी तब्बल १५२० डाळिंब रोपांची लागवड करण्यात आली होती.त्यासाठी ठिबक सिंचन करण्यात आले होते.गुरु वारी दुपारी तीन वाजेच्या सुमारास अचानक शेतातून जाणाºया विद्युत वाहिनीजवळ शॉर्टसर्किटमुळे ठिणग्या पडून भीषण आग लागली. डाळिंब बागेत मोठ्या प्रमाणात गवत असल्यामुळे क्षणार्धात आगीने रौद्ररूप धारण केले.आजूबाजूच्या शेतकºयांनी आग विझविण्याचा प्रयत्न केला मात्र संपूर्ण बाग आगीच्या भक्षस्थानी सापडल्याने उद्ध्वस्त झाली.या आगीत डाळिंबाच्या झाडांसह ठिबक संच असे सुमारे दहा लाख रु पयांचे नुकसान झाले.दरम्यान वीज महावितरण कंपनीच्या भोंगळ कारभारामुळे शेतकरी संतप्त असून शेती व्यवसायावर गुजराण करणारे कुटुंब अशा घटनामुळे उद्ध्वस्त झाले आहे.शासनाने तत्काळ पंचनामे करून या शेतकरी कुटुंबाला उभे करण्यासाठी आर्थिक मदत द्यावी अशी मागणी महिला शेतकरी उषाबाई जगताप यांनी केली आहे.