ठळक मुद्देएक गंभीर जखमी
मालेगाव मध्य : मालेगाव शहरातील मच्छी बाजार आणि गोल्डन नगर भागात शुक्रवारी (दि.२०) सायंकाळी गुंडांनी गोळीबाराच्या फैरी झाडल्याने एक जण गंभीर जखमी झाला आहे.गोल्डन नगर भागात झालेल्या गोळीबारात मोहम्मद इस्हाक कलीम अहमद हा जखमी झाला. त्यास सामान्य रुग्णालयात उपचार करून रुग्णालयात दाखल करण्यात आले आहे. गुंडांनी दहशत माजवित दोन ठिकाणी झालेल्या गोळीबाराच्या घटनेने दहशतीचे वातावरण निर्माण झाले आहे.२७ फेब्रुवारी मध्यरात्री माजी नगरसेवक रिजवान खान यांच्या घरावर गोळीबार करण्यात आला होता. ही घटना ताजी असतानाच शहरात पुन्हा गोळीबाराच्या घटना घडल्याने शहरात वाढलेली गुंडगिरी चव्हाट्यावर आली असून त्यामुळे घबराट पसरली आहे.