नाशिक : मनमाड येथून जवळच असलेल्या अनकवाडे, ता. नांदगाव येथे टँकरमधून काळ्या बाजारात विक्रीसाठी इंधन काढत असताना सहायक पोलीस अधीक्षक रागसुधा आर. यांच्या पथकाने छापा मारला असता टँकरचालक, मालक व त्याच्या साथीदारांनी अंधाराचा फायदा घेऊन पलायन केल्याची घटना घडली आहे. सदरचा भरलेला टँकर व त्यामधील काढलेले ३० लिटर इंधन, दोन प्लॅस्टिक कॅन असा एकूण २४ लाख १ हजार ९२० रु पयांचा माल जप्त करण्यात आला आहे. या प्रकरणी सहायक पोलीस उपनिरीक्षक नंदकिशोर थोरात यांनी दिलेल्या फिर्यादीवरून मनमाड शहर पोलीस ठाण्यात गुन्हा दाखल करण्यात आला आहे.
इंधनचोरी प्रकरणी गुन्हा दाखल
By लोकमत न्यूज नेटवर्क | Updated: March 2, 2019 02:34 IST