काजव्यांच्या झगमगाटाची पर्यटकांना भूरळ

घोटी : भंडारद-याच्या धरतीला वर्षाराणीची चाहुल लागली असून काजव्यांच्या चंदेरी दुनियेची चकमक हिरडा , बेहडा , सादडा या झाडावर नृत्य करण्यास धजावत असल्याचे दिसू लागले आहे . या प्रकाशमयी तारकांच्या आगमनाचे संकेत म्हणजेच मान्सुनचं आगमन लवकर होणार असल्याची प्रतिक्रि या आदिवासी बांधवाकडुन व्यक्त होत आहे. भंडारदरा परिसरात काजव्यांच्या मायावी दुनियेचे भंडारद-याच्या अभयारण्यात आगमन झाले असून कळसुबाई हरिश्चंद्र अभयारण्याच्या अनेक वृक्षराजीवर हे मनमोहक काजवे अधिराज्य गाजवण्यासाठी सरसावले आहेत . संपुर्ण जंगलाला जणु विद्युत रोषणाईने वेढले असल्याचे दृश्य नजरेस अनुभवयास मिळत आहे. या काजवा महोत्सवाचे यावर्षीचे आयोजन भंडारदरा येथील कळसुबाई हरिशचंद्र गड अभयारण्य , वन्यजीव भंडारदरा यांनी केले असुन अनेक नियम हे काजवा प्रेमीसाठी बनविले आहेत . भंडारदरा म्हटलं कि पर्यटकांना आठवण येते जलोस्तवाची . पंरतु याच भंडारद-याच्या निसर्गात अजुनही खुप काही दडलेले आहे याची पारख ही भंडारद-याच्या वनविभागाने नेमकी हेरली. पावसाच्या आगमनाच्या अगोदर काजव्यांची मायावी दुनिया वनसाम्राज्यात कसे राज्य करते हे निसर्ग प्रेमींच्या मनावर बिंबविले. काजव्यांचा हा निसर्गरु पी अविष्कार पुढे काजवा महोत्सव या नावाने उदयास आणला .या काजवारु पी प्रकाशफुलांचा जंगलामध्ये झाडावर चाललेला पाठशिवनीचा खेळ पाहण्यासाठी पुणे , मुंबई , नाशिक या प्रमुख शहरासह संपुर्ण महाराष्ट्रच नाही तर परराज्यातुनही अनेक निसर्गप्रेमी आसुसलेले आहेत . हिरडा, बेहडा, सादडा, जांभूळ, आंबा, उंबर अशा मोजक्याच झाडांवर काजव्यांचा काही दिवसांचाच‘बसेरा’ असतो.आदिवासी खेड्यांच्या शिवारातली सहस्रावधी झाडे अक्षरश: कोट्यवधी काजव्यांनी लगडून गेली आहेत. ज्या विशिष्ट झाडांवर काजवे वस्ती ला आलेले आहेत, ती झाडे िसमस ट्री सारखी दिसताहेत! झाडांच्या खोडांवर, फांद्यावर, पानांवर अगणति काजव्यांची आरास केली आहे . त्यांचे कित्येक भाईबंद झाडांभोवती पिंगा घालताहेत. विशिष्ट पद्धतीने त्यांचा चमचमाट सुरु आहे .एका लयीत, तालात अन् सुरातही! आपण बघितलं ते दृश्य आणखीन कोणाला दाखवण्याच्या हेतूने हातातले मोबाईल किंवा ििडजटल कॅमेरे फोटोसाठी पुढं सरसावतात. काजवे काही कॅमेर्यांना बधत नाहीत, ते काही केल्या जेरबंद होत नाहीत! आम्हाला बघायचंय तर तुमचे डोळे हेच जगातले उत्तम कॅमेरे आहेत, असेच जणू काजवे आपल्याला सांगताहेत. लखलख तेजाची ती चंदेरी दुनिया बघताना आपण धरणीवरचा स्वर्ग पाहात असल्याची भावना मात्र आपल्या मनाला आत आतपर्यंत सुखावत राहते...भंडारद-याच्या वनामधील काजवा महोत्सव अनुभवण्यासाठी असंख्य निसर्गप्रेमी दाखल झाले असुन अनेक मोठमोठी हॉटेल्स सजली आहेत . आदिवासी पट्ट्यामध्येही ब-याच ठिकाणी स्वादिष्ट असे जेवण देण्यासाठी स्थानिक तरु ण सरसावले आहेत . ग्रामिण भागातील लोकनृत्याची कला ही या कालावधीमध्ये महाराष्ट्र राज्य पर्यटन महामंडळ व नासिक येथील ट्रॅव्हल्स असोसियसनने या काजवा प्रेमीसाठी आयोजित केली आहेत .