सातपूर : सातपूर औद्योगिक वसाहतीतील एशियन इलेक्ट्रॉनिक्स कंपनीच्या संचालकांनी कर्मचार्‍यांच्या वेतनातून कापलेली भविष्य निर्वाह निधीची रक्कम न भरता तिचा अपहार केल्या प्रकरणी सातपूर पोलीस ठाण्यात गुन्हा दाखल करण्यात आला आहे़ याबाबत अधिक माहिती अशी की, या कंपनीचे चेअरमन अरुण बाबुलाल शहा व इतर चार यांनी जानेवारी २०१४ ते मार्च २०१४ या कालावधीत कंपनीत काम करणार्‍या कर्मचार्‍यांच्या वेतनातून ४ लाख ६९ हजार ७३१ रुपये कापले मात्र ते भाविष्य निर्वाह निधीत न भरता या रकमेचा परस्पर अपहार केला़ या प्रकरणी जेलरोड येथील दिलीप नाहू बडगुजर यांनी दिलेल्या फि र्यादीनुसार शहा यांच्यासह चौघांवर अपहाराचा गुन्हा दाखल करण्यात आला आहे़ (वार्ताहर)