निफाड : उपविभागातील निफाड व सिन्नर तालुक्यातील पोलीसपाटील पदाच्या १११ रिक्त जागांकरिता प्रवर्गनिहाय आरक्षण सोडत (दि. १५) रोजी सकाळी ११.३० वाजता निफाड येथील निफाड उपबाजार सभागृहात होणार असल्याची माहिती निफाडचे प्रांत डॉ.शशिकांत मंगरूळे यांनी दिली. निफाड तालुक्यात मंजूर पोलीस पदे १३१ असून, पोलीस स्टेशन, आउट पोलीस स्टेशनची संख्या ७ असून, सध्या १२४ पोलीसपाटलांची पदे मंजूर आहेत. रिक्त पोलीसपाटील पदांची संख्या ४६ आहे.सिन्नर तालुक्यात मंजूर पोलीसपाटील पदे १२५ असून, पोलीस स्टेशन आउट पोलीस स्टेशनची संख्या ५ असून, सध्या १२० पोलीसपाटील पदे मंजूर आहेत तर रिक्त असलेल्या पोलीसपाटलांची संख्या ६५ आहे. निफाड व सिन्नर तालुका मिळून एकूण १११ पोलीसपाटलांच्या रिक्त जागा प्रवर्गनिहाय भरण्यात येणार असून, त्यापैकी ३० टक्के पदे महिलांसाठी आरक्षित आहेत. एकूण भरावयाच्या १११ रिक्तपदांपैकी ३३ पदे महिलांसाठी आरक्षण म्हणून राखीव ठेवण्यात आलेली आहे. महिलांसाठी आरक्षित ठेवण्यात आलेल्या पदांसाठी त्या प्रवर्गातील महिला उपलब्ध न झाल्यास ते पद त्या प्रवर्गातील पुरुष उमेदवारांमधून भरण्यात येईल. (वार्ताहर)
रिक्त पोलीसपाटील पदासाठी सोमवारी आरक्षण सोडत
By admin | Updated: February 12, 2016 23:22 IST