चांदवड - राहुड घाटात गतिरोधकाजवळ पिकअप व ट्रक यांच्यात झालेल्या अपघातात आठ जण जखमी झाल्याची घटना मंगळवारी दुपारी साडेतीन वाजेच्या सुमारास घडली.
ओझर येथून अंत्यविधी आटोपून येणाऱ्या पिकअपला (क्र एमएच ४१ एयू ०२९७) राहुड घाटात गतिरोधकाजवळ पाठीमागून भरधाव येणाऱ्या आयशरने धडक दिली. यात पिकअपमधील विमलबाई राजू आहिरे (४०, रा. मांडवड), अनिल शिवाजी आहिरे (४०, झाडी), वालयाबाई शिवाजी आहिरे (५०) , महावीर राजाराम आहिरे ( २८), बारकू भुराजी पवार ( ४५, रा. एरंडगाव), बापू कचरू ठाकरे ( ५५, रा. टिकडे), संतोष रमेश सोनवणे ( २८, एरंडगाव), अलका रामदास बागुल ( २४, रा. नामपूर) जखमी झाले. सर्व जखमींना सोमा टोल व १०८ रुग्णवाहिकेतून चांदवड उपजिल्हा रुग्णालयात दाखल करण्यात आले. चांदवड पोलीस स्टेशनला अपघाताचा गुन्हा दाखल करण्यात आला आहे. आयशरचालक वाहनासह पळून गेला.