कारचालकास फायटरने मारहाण

वणी : कारने मानोरी येथे जाणाऱ्या कारचालकाशी वाद घालुन फायटरने मारहाण करत शिवीगाळ व लाथाबुक्यांनी मारहाण केल्याच्या चालकाच्या फिर्यादीवरु न दहा संशयितांविरोधात दंगलीचा तसेच जमावबंदी आदेशाचा भंग केल्याप्रकरणी दिंडोरी पोलीसांनी दहा लोकांविरोधात गुन्हा दाखल केला आहे.

ठळक मुद्देदिंडोरी : दहा संशयितांवर दंगलीचा गुन्हा

लोकमत न्युज नेटवर्कवणी : कारने मानोरी येथे जाणाऱ्या कारचालकाशी वाद घालुन फायटरने मारहाण करत शिवीगाळ व लाथाबुक्यांनी मारहाण केल्याच्या चालकाच्या फिर्यादीवरु न दहा संशयितांविरोधात दंगलीचा तसेच जमावबंदी आदेशाचा भंग केल्याप्रकरणी दिंडोरी पोलीसांनी दहा लोकांविरोधात गुन्हा दाखल केला आहे.नामदेव सुकदेव घुगे (५०, राहणार, मानोरी) हे (एम एच १५ इ पी ६३३१) कारने मानोरी येथे घरी जात असताना किशोर सुर्यवंशी स्कुलजवळील पाटाजवळच्या रस्त्यावर दुचाकीवरु न दोन युवक आले व कारसमोर दुचाकी लावत घुगे यांना खाली उतरण्यास सांगितले. खाली उतरल्यानंतर अप्पर-डिप्पर का दिला नाही असे विचारत घुगे यांच्याशी वाद घातला तसेच या लोकांनी फोन करु न मानोरी गावातील काही लोकांना घटनास्थळावर बोलावले. त्यापैकी काही संशयितांनी घुगे यांना फायटरने मारहाण केली. व त्यांच्या खिशातील वीस हजार रु पयांची रक्कम काढुन घेतली. यावेळी घुगे यांना वाचविण्यासाठी आलेल्या अमोल धात्रक यांनाही मारहाण केल्याची फिर्याद दिंडोरी पोलीसात दिल्याने दहा संशयिताविरोधात गुन्हा दाखल करण्यात आला आहे.